फिफाले अनुमति नदिएपछि नेपाल र मलेसियाको मैत्रीपूर्ण फुटबल खेल स्थगित

खरीबोट

काठमाडौँ । नेपाल र मलेसियाको राष्ट्रिय फुटबल टोलीबीच आगामी चैत महीनाका लागि तय भएको मैत्रीपूर्ण फुटबल खेल स्थगित भएको छ ।

विश्व फुटबल महासङ्घ (फिफा)ले मैत्रीपूर्ण खेलका लागि अनुमति नदिएपछि मैत्रीपूर्ण खेल स्थगित गर्नुपरेको मलेसिया फुटबल सङ्घबाट प्राप्त पत्रमा उल्लेख गरिएको अखिल नेपाल फुटबल सङ्घ (एन्फा) ले जनाएको छ ।

एन्फाले आज विज्ञप्ति जारी गरी नेपाल र मलेसियाबीच आगामी चैत १२ गतेका लागि तय गरिएको मैत्रीपूर्ण खेल स्थगित भएको जनाएको हो । मलेसियासँगको मैत्रीपूर्ण खेल स्थगित भए पनि नेपालले कुवेतसँग आगामी चैत ७ गते मैत्रीपूर्ण खेल हुने एन्फाले जनाएको छ । यसअघि मलेसिया र कुबेतसँग नेपालले मैत्रीपूर्ण खेल खेल्ने तय भएको थियो ।

नेपालले आगामी चैत १२ मा मलेसियासँग उसैको मैदानमा मैत्रीपूर्ण खेल खेल्ने तयारी गरेको थियो । मैत्रीपूर्ण खेलका लागि एशियाली फुटबल महासङ्घ (एएफसी)ले समेत अनुमति दिएको थियो । तर, मलेसियाको यस महीना कोटाभन्दा बढी खेल हुने भएको कारण (फिफा)ले अनुमति दिन अस्वीकार गरेको मलेसियाली फुटबल सङ्घलाई उढृत गर्दै एन्फा महासचिव इन्द्रमान तुलाधरले बताए ।

पारा क्रिकेट टोली भारत प्रस्थान

भारतसँग तीनवटा टी–२० क्रिकेट शृङ्खला खेल्न नेपाली पारा स्ट्याण्डिङ पुरुष क्रिकेट टोली आज भारतको आग्रा प्रस्थान गरेको छ ।

भारत प्रस्थान गर्ने खेलाडीमा रामप्रसाद खरेल (कप्तान), हेमबहादुर गुरुङ, प्रदीप रिजाल, सुमन बराल, ईन्द्रसिंह डिसी, राम कुँवर, राम मगर, मनोज थापा, छवि धोवी, लक्ष्मीप्रसाद अधिकारी, सोभितकुमार हल्वाइ, रुपक वाइबा, सुकलाल मियाँ, मीनप्रसाद ढकाल र ललनकुमार बराही छन् ।

ह्विलचेयर क्रिकेट सङ्घ नेपालका अध्यक्ष छुल्टिम ग्याल्जिङ शेर्पाको नेतृत्वमा जाने टोलीको फिजियोमा अञ्जना श्रेष्ठ तथा व्यवस्थापकमा राजेश शाह र शरद पौड्याल छन् । नेपालले यही फागुन ३०, चैत १ र २ गते भारतको पारा राष्ट्रिय स्ट्याण्डिङ टोलीसँग प्रतिस्पर्धा गर्ने अध्यक्ष शेर्पाले जानकारी दिए । टोलीलाई राष्ट्रिय खेलकूद परिषद्का सदस्य–सचिव केशवकुमार विष्टले शुक्रबार बिदाई गरेका थिए ।

 

सम्बन्धित समाचार

बाराको सिमरामा एन्फाको 'ग्रासरुट डे’

बारा । अखिल नेपाल फूटवल संघ (एन्फा) ले बुधवार बाराको सिमरामा ग्रास रुट डे मनाएको छ । गत भदौ देखि सिमरा रंगशालामा ग्रास रुट फूटवल प्रशिक्षण सञ्चालन गरिरहेको बारा जिल्ला फूटवल

एन्फाको वरिष्ठ उपाध्यक्षमा पंकज विक्रम नेम्वाङ चयन

काठमाडौं । अखिल नेपाल फुटबल संघ (एन्फा) को वरिष्ठ उपाध्यक्षमा पंकज विक्रम नेम्वाङ चयन भएका छन् । एन्फा केन्द्रिय कार्यसमिति आज बसेको बैठकले नेम्वाङलाई सर्वसम्मत वरिष्ठ उपाध्यक्ष चुनेको प्रवक्ता किरण राईले

साफमा उपविजेता बनेको महिला टिमलाई एन्फाले एक-एक लाख दिने  

काठमाडौँ । साफ महिला फुटबल च्याम्पियन्सिपमा उपविजेता भएको राष्ट्रिय महिला फुटबल टिमका सदस्यलाई अखिल नेपाल फुटबल संघ (एन्फा) ले जनही एक लाख प्रदान गर्ने भएको छ । शुक्रबार सम्पन्न प्रतियोगिताको फाइनल

एन्फाको नयाँ लोगो सार्वजनिक, यस्तो बन्यो लोगो 

काठमाडौँ । अखिल नेपाल फुटबल संघ (एन्फा) ले नयाँ लोगो सर्वजनिक गरेको छ । सोमबार एक कार्यक्रमका बिच एन्फाले पोखराका सन्दीप तिवारीले तयार पारेको लोगो एन्फाको नयाँ लोगो सार्वजनिक गरेको हो


z