काठमाडौँ । अस्ट्रेलियाविरुद्धको चौथो एकदिवसीय खेलमा भारतले अस्ट्रेलियालाई ३५९ रनको लक्ष्य दिएको छ ।
टस जितेर पहिला ब्याटिंग गरेको भारतले ५० ओभरमा ९ विकेट गुमाउदै ३५८ रन बनाएको हो ।
भारतका लागि ओपनर शिखर धवनले सर्वाधिक १४३ रन बनाएका थिए । धवनले ११५ बल खेल्दै १८ चौका र ३ छक्काको मद्धतले १४३ रन बनाएका थिए । धवनको एकदिवसीय क्रिकेटमा यो सोर्हौ शतक हो ।
त्यस्तै रोहित शर्मा ९५ रन बनाएर आउट भएका थिए । त्यस्तै ऋषव पन्तले ३६, विजय शंकर र केएल राहुलले २६-२६ रन बनाएका थिए ।
अस्ट्रेलियाका पिट कमिन्सले ५ विकेट लिए । कमिन्सले १० ओभरमा ७० रन दिएर ५ विकेट लिएका हुन् । त्यस्तै झय रिचार्ड्सनले ३ विकेट लिए भने एडम जाम्पाले एक विकेट लिए ।
५ खेलको सिरिजमा भारत २-१ ले अगाडी रहेको छ ।