काठमाडौँ । इङलिश प्रिमियर लिग अन्तर्गत आर्सनलले म्यानचेस्टर युनाइटेडमाथि महत्वपूर्ण जित हासिल गरेको छ ।
गएराती भएको खेलमा आर्सनलले युनाइटेडलाई २-० ले पराजित गर्दै लिगको चौथो स्थानमा जानबाट युनाइटेडलाई रोकेको छ । आर्सनलको जितमा ग्रानिट जाखा र पिएरे एमरिक औबामेयांगले एक एक गोल गरेका थिए ।
यो सहित युनाइटेडले म्यानेजर सोल्सज्करका पछिला १३ प्रिमियर लिग खेलमा पहिलो हार बेहोरेको छ । जसमा १० जित २ बराबरी र एक हार रहेका छन् ।
जितपछि आर्सनलको ३० खेलमा ६० अंक भएको छ भने युनाइटेडको ३० खेलमा ५८ अंक रहेको छ ।