टिक टक १ अर्ब भन्दा बढी पटक इन्स्टल गरिएका एपहरूको सूचीमा

खरीबोट

लोकप्रिय भिडियो शेयारिंग एप टिक टक गुगल र एप्पलको एप स्टोरबाट १ अर्ब भन्दा बढी पटक इन्स्टल गरिएको एक तथ्यांकले देखाएको छ ।

एपहरूको मुल्यांकन एवम् विश्लेषण गर्ने कम्पनी सेन्सर टावरले निकालेको तथ्यांकअनुसार यो एप २०१८ मा मात्रै ६६ करोड भन्दा बढी पटक इन्स्टल भएको थियो ।

२०१८ मै फेसबुक ७१ करोड भन्दा बढी इन्स्टल भएको थियो भने इन्स्टाग्राम टिक टकभन्दा थोरै ४४ करोड पटक इन्स्टल गरिएको थियो । तर यो संख्या यी एपका प्रयोगकर्ताहरूको तथ्यांक नभएर यी एपहरू एप स्टोरहरूबाट कति पटक इन्स्टल गरिए भन्ने मात्र हो ।

त्यसैगरी यो तथ्यांकले टिक टकको घरेलु बजार चीनमा एण्ड्रोइडद्वारा गरिएका इन्स्टलहरूलाई पनि समावेश गरेको छैन । टिक टिक चीनमा भने डोउइन नामले चिनिने गर्दछ । २०१९ को जनवरीमा मात्र टिक टकका ७ करोड नयाँ प्रयोगकर्ताहरू थपिएका थिए ।

चाइनिज कम्पनी बाइटडान्सले २०१७ अगस्टमा म्युजिकली एपलाई करिब १ अर्ब डलरमा किनेर आफ्नो एप टिक टकमा मर्ज गरेको थियो । २०१८ मा टिक टक एप्पल र गुगलका एप स्टोरमा गेमिंग एपबाहेक सबैभन्दा बढी इन्स्टल गरिने एपको सूचीमा चौथो स्थानमा रहेको थियो भने २०१९ को जनवरीसम्म यो एप तेस्रो स्थानमा पुगेको थियो ।

अमेरिकामा त टिक टक गेमिंग एप बाहेक सबैभन्दा बढी इन्स्टल हुने एप रहेको छ । त्यसैगरी २०१८ मा टिक टकलाई भारतमा भएको ‘गुगल प्ले अवार्ड्स’ मा ‘मस्ट इन्टरटेनिंग एप’ को अवार्ड पनि प्रदान गरिएको थियो ।

 

 

सम्बन्धित समाचार

भारतमा ‘टिक टक’ मा प्रतिबन्ध !

काठमाडौँ । गुगलले अहिलेको चर्चित भिडियो एप टिक टकलाई भारतमा प्रतिबन्ध लगाएको छ । भारतको मद्रास उच्च अदालतले एक आदेश दिदै टिकटकलाई प्रतिबन्ध लगाउन आदेश दिएपछि सोहि आदेश अनुसार गुगलले आफ्नो

टिक टक १ अर्ब भन्दा बढी पटक इन्स्टल गरिएका एपहरूको सूचीमा

लोकप्रिय भिडियो शेयारिंग एप टिक टक गुगल र एप्पलको एप स्टोरबाट १ अर्ब भन्दा बढी पटक इन्स्टल गरिएको एक तथ्यांकले देखाएको छ । एपहरूको मुल्यांकन एवम् विश्लेषण गर्ने कम्पनी सेन्सर टावरले

टिक टकलाई बालबालिकाको सूचना संकलन गरेको भन्दै ५७ लाख अमेरिकी डलर जरिवाना

अमेरिकाको फेडेरल ट्रेड कमिसनले अहिले टिक टकको नामले चिनिने लोकप्रिय सामाजिक संजाल एप म्युजिकलीलाइ अवैध रुपमा बालबालिकाको सूचना संकलनको आरोप लगाउँदै ५७ लाख अमेरिकी डलर जरिवाना सजाय सुनाएको छ । फेडेरल ट्रेड


z