विप्लवको बन्दको आंशिक प्रभाव : विद्यालय बन्द, विभिन्न ठाउमा शंकास्पद वस्तु फेला  

खरीबोट

जाजरकोट सदरमुकाम स्थित भेरी नगरपालिका स्थित ठाँटीबजारमा हतियार सहित गस्ती गदै नेपाली सेना । तस्वीर : हेमन्त केसी ,जाजरकोट, रासस

काठमाडौँ । नेत्रविक्रम चन्द विप्लव नेतृत्वको नेपाल कम्युनिष्ट पार्टीको आह्वान गरेको नेपाल बन्दको काठमाडौँ उपत्यकामा सामान्य प्रभाव परेको छ । 

सरकारले नेकपामाथि लगाएको प्रतिबन्धको विरोधमा विप्लव समूहले एक दिने बन्दको आह्वान गरेको हो । बन्दको कारण उपत्यकाकालगायत देशका विभिन्न जिल्लामा रहेका सरकारी तथा निजटी शैक्षिक संस्थामा पठनपाठन बन्द भएको  छ । सार्वजनिक यातायातमा आंशिक प्रभाव परेको छ ।

सडकमा निजी सावारी साधनहरु प्रशस्त गुडेका भएपनि सार्वजनिक यातायात कम चल्दा यात्रुलाई समस्या भएको छ । सरकारले नेपाल बन्दलाई ध्यानमा राखेर देशभरको सुरक्षा व्यवस्था कडा पारिएको सरकारले जनाएको छ ।

बन्दका क्रममा बुधबार रातिदेखि नै विभिन्न ठाउँमा बम र शंकास्पद वस्तु फेला पर्ने क्रम जारी छ । बुधबार साझ काठमाडौँको सिंहदरबार नजिकै अनामनगरमा कुकुर बम फेला परेको थियो । बिहीबार बिहान देशका विभिन्न भागमा बम राखिएको भेटिएको छ ।

प्राप्त विवरण अनुसार हेटौडाको पूर्ब-पश्चिम राजमार्गअन्तर्गत पशुपतिनगरमा सेतो प्लास्टिकमा बिस्फोटक पदार्थ राखिएको फेला परेको छ । 

त्यस्तै बुटवलस्थित कालिकाचोकमा शंकास्पद वस्तु भेटिएको छ भने नेपाली सेनाले डिस्पोज गरेको छ । त्यस्तै पोखराको सभागृह चोकमा रहेको ट्राफिक बिटमा पनि शंकास्पद वस्तु भेटिएको थियो ।

दाङ, प्यूठान, रुकुम, कैलालीका विभिन्न ठाउमा शंकास्पद बस्तु भेटिएको छ ।

त्यस्तै पूर्वपश्चिम राजमार्ग अन्तर्गत कैलालीको बढैपुर जंगलमा बन्दकर्ताले बसमा आगजनी गरेका छन् । पूर्वबाट पश्चिमतर्फ आइरहेको म १ ख ४४१ नम्बरको बसमा बन्दकर्ताले आगजनी गरेको प्रहरीले जनाएको छ । गाडीमा सवार यात्रुलाई ओरालेर आगजनी गरिएको ईलाका प्रहरी कार्यालय मसुरियाले जनाएको छ । 

त्यस्तै नवलपरासीमा दुई ट्रकमा आगजनी भएको छ । जिल्ला प्रहरी नवलपरासीको अनुसार काठमाडौबाट धनगढीका लागी बासाबसही नजिक रहेको स्टिल कम्पनीमा रड लिन आएका ट्रक खाली रहेको ट्रकमा आगजनी भएको हो ।

त्यस्तै मकवानपुरको थाहा नगरपालिका–४ नयाँगाउँमा एक ट्रकमा आगजनी गरिएको छ । काठमाडौंबाट हेटौंडातर्फ आइरहेको ना ५ ख ७४११ नम्बरको ट्रकमा गएराति करिब एक बजेको समयमा अज्ञात समुहले आगजनी गरेको मकवानपुर प्रहरीले बताएको छ ।

सम्बन्धित समाचार

डोटी प्रहरीद्वारा विप्लव कार्यकर्ता पक्राउ

डोटी । नेक्रवित्रम चन्द ‘विप्लव’ समूहका एक कार्यकर्तालाई डोटी प्रहरीले पक्राउ गरेको छ । जिल्ला प्रहरी कार्यालय डोटीले दिएको जानकारीअनुसार पक्राउ पर्नेमा प्रकाश थापा रहेका छन् । जिल्लाको बडीकेदार गाउँपालिका–४ भमरास्थित

विप्लव समूहका कार्यकर्ता पक्राउ

जाजरकोट । जाजरकोट छेडागाड नगरपालिकाको वडा नं १२ कार्कीगाउँबाट विप्लव समूहका एक कार्यकर्ता पक्राउ परेका छन् । पक्राउ पर्नेमा छेडागाड इञ्चार्जसमेत रहेका कैलाश पुनलाई प्रहरीले हिजो राति पक्राउ गरी जिल्ला प्रहरी

विप्लव नेकपाका रुकुमपश्चिम इञ्चार्ज पक्राउ

रुकुमपश्चिम । ‘विप्लव’ नेतृत्वको नेपाल कम्युनिष्ट पार्टी रुकुमपूर्वका जिल्ला इञ्चार्ज कर्णबहादुर नकाल ‘शिविर’ लाई पक्राउ गरिएको छ । रुकुमपश्चिम जिल्ला प्रहरी कार्यालयले गए राति जिल्लाको सानीभेरी गाउँपालिका–३ गरायला निवासी उनलाई सोही

विप्लव समूहका विद्यार्थी नेता पक्राउ

काठमाडौँ । प्रहरीले नेत्रविक्रम चन्द ‘विप्लव’ नेतृत्वको नेपाल कम्युनिष्ट पार्टीका विद्यार्थी नेता चिरञ्जीवी ढकाललाई आज काठमाडौँको अनामनगरबाट पक्राउ गरेको छ ।  उक्त समूहको विद्यार्थी सङ्गठन अखिल क्रान्तिकारीका केन्द्रीय अध्यक्ष ढकाललाई आज


z