अफगानिस्तानको युद्ध अन्त्य गर्न अमेरिकी सांसदहरुको दवाव

खरीबोट

अमेरिका । अमेरिकी संसदहरुले अफगानिस्तानमा जारी युद्ध अन्त्य गर्न बुधबार दवाव दिएका छन् ।

अमेरिकाको आधुनिक इतिहासमा सबैभन्दा लामो अवधिसम्म चलेको मनिने अफगानिस्तान युद्ध झण्डै १८ वर्षदेखि जारी छ ।

“अफगानिस्तानमा भइरहेको युद्ध चाँडै नै अन्त्य गरिनु पर्दछ । लडाइँ शुरु हुँदाताका जन्मिएका अमेरिकी बालबच्चा अहिले त्यही लडाइँमा होमिन योग्य हुन थालिसके,” एक जना रिपब्लिकन सांसद रान्ड पल र डेमोक्र्याटिक सांसद टोम उडालले अमेरिकी सञ्चार माध्यम दी एट्लान्टिकमा लेखेका छन् ।

उनीहरुले लेखेका छन्, “हामीले अमेरिकी जनताको आवाजलाई ध्यानपूर्वक सुन्नु पर्दछ । अमेरिकी जनता मध्यपूर्वमा जारी कहिल्यै नटुङ्गिने युद्धको पूरै विपक्षमा छन् ।”

उनीहरुले भनेका छन्, अमेरिकी सेनाको निरन्तरको उपस्थितिले पनि अफगानी जनता र त्यहाँको केन्द्रीय सरकारलाई कुनै पनि हालतमा सक्षम तुल्याउन सक्दैन । दुबै सांसदले गत साता एक वर्षभित्र अमेरिकी फौज अफगानिस्तानबाट फिर्ता गर्नेगरी अमेरिकी रक्षा मन्त्रालय समक्ष एउटा योजना तयार गर्न आग्रह गरेका थिए ।

मङ्गलबार कतारको राजधानी दोहामा जारी अमेरिका र अफगानिस्तनमा युद्धरत तालिबान पक्षबीचको वार्ता सकिएको छ । अमेरिकी विदेश मन्त्रालयले उक्त वार्तामा “अर्थपूर्ण प्रगति” भएको जनाएको छ ।

सन् २००१ मा अमेरिकाले अफगानिस्तानमा अतिक्रमण गरेयता झण्डै दुई हजार ४०० अमेरिकी सेना मारिएका छन् ।

अफगानिस्तानमा रहेको संयुक्त राष्ट्रसंघको मिसनको कार्यालयले पनि गत बर्ष सन् २०१८ मा दश हजार ९९३ जना मारिएको जनाएको छ ।

सम्बन्धित समाचार

अफगानिस्तानमाथि आयरल्याण्डको फराकिलो जित 

काठमाडौँ । आयरल्याण्ड भ्रमणमा रहेको अफगानिस्तानको क्रिकेट टिम पहिलो एकदिवसीय खेलमा पराजित भएको छ । आइतबार सम्पन्न खेलमा आयरल्याण्डले अफगानिस्तानलाई ७२ रनले पराजित गरेको हो । आयरल्याण्डले दिएको २११ रनको लक्ष्य पछाएको

अफगानिस्तानमा प्रहरी कारबाहीमा ६ आतङ्ककारी मारिए

अफगानिस्तान । अफगानिस्तानको उत्तर प्रान्त कुन्दुजमा सुरक्षा अधिकारीहरुले गएराति गरेको सुरक्षा कारबाहीमा परी ६ आतङ्ककारी मारिनुको साथै अन्य चार जना घाइते भएका एक स्थानीय अधिकारीले शनिबार जानकारी दिएका छन् । कुन्दुज

उत्तरी अफगानिस्तानमा कारबाही, ६ तालिबानको मृत्यु

अफगानिस्तान । अफगानिस्तानको उत्तर प्रान्त बाल्खमा गरिएको गोप्य सुरक्षा कारबाहीमा तालिबान समूहका कमान्डर सहित छ जना लडाकूकको मृत्यु भएको छ । अफगान गृह मन्त्रालयद्वारा जारी विज्ञप्तीमा सरकारी फौजले गरेको प्रतिआतङ्कवाद कारबाहीमा

अफगान कारागारमा तनाब, चार जनाको मृत्यु

अफगानिस्तान । अफगानिस्तानको पुल–ए–चार्खी कारागारमा भड्किएको हिंसाका कारण चार जना कैदीको मृत्यु भएको छ भने अरु ३३ जना घाइते भएका छन् । झडपमा २० जना प्रहरी पनि घाइते भएका छन्


z