विप्लव समूहलाई ३५ दिनभित्र हतियार बुझाउन समयसीमा

खरीबोट

काठमाडौ । सरकारले नेत्रविक्रम चन्द विप्लव नेतृत्वको नेकपालाई आफूसँग भएका हातहतियार ३५ दिनभित्र बुझाउन समयसीमा दिएको छ ।

मन्त्रिपरिषद्का पछिल्ला निर्णय सार्वजनिक गर्दै सरकारका प्रवक्ता गोकुलप्रसाद बाँस्कोटाले वार्ता र छलफलका लागि सरकार सदैव तयार रहेको स्पष्ट गरे । 

सो समूहले आपराधिक र हिंसात्मक गतिविधि गरेको भन्दै सरकारले उसका त्यस्ता गतिविधिलाई प्रतिबन्ध लगाउने निर्णय गरेको थियो । सिंहदरबारस्थित मन्त्रालयमा आज आयोजित पत्रकार सम्मेलनमा सञ्चार तथा सूचना प्रविधिमन्त्री बाँस्कोटाले भने, यसका लागि रातो कार्पेट ओछ्याएरै बिन्ती गर्छौँ तर उहाँहरुको अडान हेर्दा त्यस्तो देखिएन र सरकार यो निर्णयमा पुगेको हो ।” 

उनले वार्ताका लागि पटक पटक तयार भए पनि वार्तामा नआएको सो समूहका गतिविधिलाई सरकारले सूक्ष्मरुपमा अध्ययन गरी त्यसका आधारमा पार्टीलाई नभई समूहका हिंसात्मक र सङ्गठित प्रकारका आपराधिक र संविधानविरीतका गतिविधिलाई प्रतिबन्ध लगाइएको स्पष्ट गरे । 

प्रमुख प्रतिपक्षी दलले पनि सरकारको यो निर्णयलाई स्वागत गरिसकेका अवस्थामा सत्तारुढ पार्टीभित्र यसबारे छलफल भएको र थप छलफल हुने पनि जानकारी दिए । सो समूहले आज नेपाल बन्द आह्वान गरेको थियो । 

एक प्रश्नका जवाफमा मन्त्री बाँस्कोटाले सरकार र चन्द्रकान्त ९सिके० राउत नेतृत्वको स्वतन्त्र मधेश गठबन्धनसँग गरिएको सहमतिमा उल्लिखित जनअभिमतको विधि प्रयोग गरिने भनिनुको अर्थ निर्वाचनबाट जनताले अभिव्यक्त गर्ने मत भएको जनाए । उनले भने, “सिके राउत मूलधारमा आउनुभयो । सरकारले स्वागत ग¥यो । भोलि विप्लव समूह पनि आएमा सरकारले स्वागत गर्छ ।”  
 

सम्बन्धित समाचार

वैशाख २० र २३ गतेका मन्त्रिपरिषद् बैठकले गरेका प्रमुख निर्णयहरु

काठमाडौँ । सरकारले यहि वैशाख २० गते शुक्रबार र २३ गते सोमबार बसेको मन्त्रिपरिषद् बैठकले गरेका प्रमुख निर्णयहरु सार्वजनिक गरिएको छ । सूचना तथा प्रविधि मन्त्री गोकुल प्रसाद बास्कोटाले मन्त्रिपरिषदका निर्णयहरु

वैशाख १७ गतेको मन्त्रिपरिषद् बैठकले गरेका प्रमुख निर्णयहरु

काठमाडौँ ।  सरकारले यहि वैशाख १७ गते मंगलबार बसेको मन्त्रिपरिषद् बैठकले गरेका प्रमुख निर्णयहरु सार्वजनिक गरेको छ ।  सरकारका प्रवक्ता एवं सूचना तथा प्रविधि मन्त्री गोकुलप्रसाद बास्कोटाले सिंहदरबारमा आयोजी पत्रकार सम्मेलनमा

बैशाख ५ र १० गतेको मन्त्रीपरिषद् बैठकले गरेका प्रमुख निर्णयहरू 

काठमाडौं । सरकारले २०७६ साल बैशाख ५ गते बिहीबार र १० गते म‌ंगलबार बसेको मन्त्रीपरिषद् बैठकले गरेका प्रमुख निर्णयहरू सार्वजनिक गरेको छ । सरकारका प्रवक्ता सूचना तथा सञ्चार प्रविधिमन्त्री गोकुलप्रसाद बास्कोटाले

वैशाख २ गतेको मन्त्रिपरिषदका प्रमुख निर्णयहरू 

काठमाडौँ । यहि वैशाख २ गते सोमवार बसेको मन्त्रिपरिषद् बैठकले गरेका प्रमुख निर्णयहरू सार्वजनिक गरिएको छ । सरकारका प्रवक्ता एवं सूचना तथा प्रसारणमन्त्री गोकुलप्रसाद बास्कोटाले सिंहदरबारमा आयोजित पत्रकार सम्मेलन मार्फत बैशाख


z