रोनाल्डोविरुद्ध युइएफएले छानबिन थाल्यो, एक खेलमा प्रतिबन्ध लाग्न सक्ने  

खरीबोट

काठमाडौँ । च्याम्पियन्स लिगमा एथलेटिको म्याड्रिडविरुद्धको खेलपछि रोनाल्डोले एथलेटिकोका फ्यानतर्फ संकेत गर्दै गरेको व्यवहार अनुशासनहिनताको दायरामा आएको भन्दै युइएफएले छानबिन गर्ने भएको छ । 

युइएफएले एक विज्ञप्ति जारी गर्दै यस प्रकरणलाई छानबिनको दायारामा ल्याएको बताउदै आगामी विहिबार हुने बैठकमा छलफल हुने जानकारी दिएको छ  ।  रोनाल्डोले गरेको सो व्यवहारका कारण उनलाई क्वाटरफाइनलको एजाक्सविरुद्धको खेलमा प्रतिबन्ध समेत लाग्न सक्ने भएको छ ।

रोनाल्डोले प्रि-क्वाटरफाइनलको पहिलो लिगमा एथलेटिकोले युभेन्टसलाई २-० गोल अन्तरले पराजित गरेपछि एथलेटिकोका म्यानेजर डिएगो सिमोओनीले युभेन्ट्सका फ्यानलाई संकेत गर्दै सेलेब्रेसन गरेपछि उनलाई खेल भावना विपरित व्यवहार गरेको भन्दै २३ हजार अमेरिकी डलर जरिवाना गरिएको थियो । त्यसपछि दोस्रो लिगमा रोनाल्डोको पनि सिमोओनीले जस्तै व्यवहार भएकाले उनलाई पनि जरिवाना हुन सक्ने वा प्रतिबन्ध समेत लाग्न सक्ने बताइएको छ । 

रोनाल्डोको सेलेब्रेसन पछि एथलेटिकोका म्यानेजर सिमोओनीले स्वाभाविक रुपमा लिदै आफुले गरेजस्तै रोनाल्डोले पनि सेलेब्रेसन गरेको बताएका थिए ।

युइएफएले युइएफएको आर्टिकल ११(२) (बि) र आर्टिकल ११(२) (डी) अनुसार रोनाल्डोको व्यबहार रहेको बताएको छ ।

युइएफएले रोनाल्डोक ओसो व्यबहारको लागि अनुसन्धान खुला गरेको जनाउदै युइएफएको इथिक्स एण्ड डिसीप्लीनरी समितिले छनबिन गर्ने जनाएको छ ।  

सो खेलमा रोनाल्डोको ह्याट्रिकको मद्धतले युभेन्टसलाई च्याम्पियन्स लिगको क्वाटरफाइनलमा पुर्याएका थिए । अब युभेन्टस क्वाटरफाइनलमा एजाक्ससँग खेल्ने भएको छ । रोनाल्डोलाई प्रतिबन्ध लागेमा एजाक्सविरुद्धको पहिलो लिग रोनाल्डोले गुमाउने छन् ।

खेल विश्लेषकहरुले भने प्रतिबन्ध नभएर कम्तिमा न्युनतम जरिवाना भने रोनाल्डोलाई हुन सक्ने बताएका छन् ।    

सम्बन्धित समाचार

बेलुन डोअर बहस : रोनाल्डो बाहिरिए, मेसी निर्विकल्प ! 

काठमाडौँ । च्याम्पियन्स लिगबाट युभेन्टस बाहिरिएसँगै यस सिजनको बेलुन डो अरको विजयी बार्सिलोनाका लियोनेल मेसी निर्विक्लप भएको बहस सुरु भएको छ । पछिल्लो १० बर्ष विश्व फुटबलमा राज गरेका क्रिस्टियानो रोनाल्डो

लिभरपुल लगातार दोस्रो पटक च्याम्पियन्स लिगको सेमिफाइनलमा

काठमाडौं । लिभरपुल लगातार दोस्रो पटक च्याम्पियन्स लिगको सेमिफाइनलमा पुगेको छ ।  गएराती सम्पन्न खेलमा लिभरपुलले पोर्चुगलको क्लब पोर्टोलाई ४-१ गोल अन्तरले पराजित गर्दै समग्रमा ६-१ को नतिजासहित च्याम्पियन्स लिगको सेमिफाइनलमा

भार भिलेन बनेपछि म्यानचेस्टर सिटी च्याम्पियन्स लिगबाट बाहिरियो 

काठमाडौं । म्यानचेस्टर सिटी च्याम्पियन्स लिगबाट नाटकीय रुपमा बाहिरएको छ । गएराती सम्पन्न खेलमा ४-३ गोल अन्तरको नतिजा निकाले पनि पहिलो लिगको १-० अन्तरको हारका कारण समग्रमा ४-४ को नतिजा सहित

च्याम्पियन्स लिगबाट बाहिरिएसँगै युभेन्टसको सेयर मुल्यमा गिरावट 

काठमाडौँ । च्याम्पियन्स लिगको क्वाटरफाइनलबाट बाहिरिएसंगै इटालियन क्लब युभेन्टसको सेयर मुल्य घटेको छ । मंगलबार राति नेदरल्याण्डसको अयाक्स क्लबसँग पराजित हुदै च्याम्पियन्स लिगबाट बाहिरिएको युभेन्टसको सेयर २२ प्रतिशतले घटेको अन्तर्राष्ट्रिय मिडियाहरुले


z