काठमाडौं । नेपालले मैत्रीपूर्ण खेलमा कुवेतलाई गोलरहित बराबरीमा रोकेको छ ।
नेपाली गोलरक्षक किरण चेम्जोङले उत्कृष्ट प्रदर्शन गरेपछि नेपालले कुवेतलाई बिना कुनै गोल बराबरीमा रोकेको हो खेल । किरणले एक पेनाल्टीसहित कुवेतका एक दर्जन प्रहारलाई असफल बनाइदिएका थिए ।
खेलको दोस्रो हाफको ६१औं मिनेटमा कुवेतले पेनाल्टी प्राप्त गरेपनि त्यसलाई किरणले रोकेका थिए ।
नेपालले खेलको ८४ औं मिनेटमा कुवेतका गोलरक्षक पोजिसनमा नभएको अवस्थामा वैकल्पिक खेलाडी विमल रानाले गोल गर्ने मौका पाएपनि उनले गोल गर्न सकेका थिएनन् ।
यस खेलमा नेपालका ५ खेलाडीले राष्ट्रिय टिमबाट डेब्यु गरेका थिए । प्रशिक्षक योहान कालीनले कुवेतविरुद्ध मिडफिल्डरद्वय रवी पासवान र सन्तोष तामाङ तथा डिफेन्डरद्वय सुरज विक र अजित भण्डारीलाई पहिलो पटक राष्ट्रिय टोलीबाट खेल्ने अवसर प्रदान गरेका थिए भने विमल राना पनि वैकल्पिकका रुपमा मैदान प्रवेश गरेका थिए ।
नेपालले दोस्रो मैत्रीपूर्ण खेल आगामी मार्च २५ तारिखमा हुदै छ ।