बिस्केट जात्रालाई शान्तिपूर्ण बनाइने

खरीबोट

फाइल तस्बीर

भक्तपुर । नयाँ वर्षको आगमनसँगै भक्तपुरमा नौ दिनसम्म तान्त्रिक विधिअनुसार मनाइने प्रसिद्ध बिस्केट जात्राको तयारी तीव्र रुपमा अगाडि बढेको छ । 

आगामी २७ गतेदेखि साँझ भैरवको रथ तानेर शुरु भई वैशाख ५ गते साँझ पुनः भैरवकै रथ तानेर सम्पन्न हुने जात्राका लागि आवश्यक पर्ने भैरव र भद्रकालीको रथ निर्माण कार्य शुरु भएको छ । जात्रालाई शान्तिपूर्ण र व्यवस्थित रुपमा सम्पन्न गर्न नगरपालिका, प्रहरी, प्रशासन र सरोकारवालाले आवश्यक समन्वय गर्दै आवश्यक तयारी गर्न सहमत भएका छन् । 

भक्तपुर नगरपालिकाका प्रमुख सुनिल प्रजापतिले भक्तपुरको बिस्केट जात्रा मर्यादित, शान्तिपूर्ण र अनुशासित रुपमा सम्पन्न गर्न सबै निकायको प्रभावकारी भूमिका आवश्यक रहेको बताए । 

उनले बिस्केट जात्रालाई शान्तिपूर्ण रुपमा सम्पन्न गर्न नगरपालिकाले आवश्यक भूमिका खेल्ने बताउँदै जात्रामा भएका विकृतिलाई हटाउँदै संस्कृतिलाई अगाडि लान स्थानीय बासिन्दाले सक्रिय हुनुपर्ने औँल्याए । 

भक्तपुरका प्रमुख जिल्ला अधिकारी नारायणप्रसाद भट्टले बिस्केट जात्राको व्यवस्थापन निकै चुनौतीपूर्ण रहेको बताउँदै जात्रालाई शान्तिपूर्ण बनाउन सम्बन्धित सरोकारवालाले आ–आफ्नो ठाउँबाट भूमिका निर्वाह गर्नुपर्ने बताए ।

प्रहरी उपरीक्षक हिमालयकुमार श्रेष्ठले विगतका वर्षमा भएका कमजोरीलाई समीक्षा गर्दै आवश्यक सुरक्षा व्यवस्था मजबुत बनाउने बताए । 

गुठी संस्थान भक्तपुरका प्रमुख हरि सुवेदीले विगतका दिनमा देखिएका कमी–कमजोरी कसैले पनि दोहर्याउन नहुनेमा सचेत रहनुपर्ने औल्याउँदै गुठी संस्थानले व्यवस्थापकीय भूमिका निर्वाह गर्ने बताए । कार्यक्रममा भैरवनाथ मन्दिर जीर्णोद्धार उपभोक्ता समितिका अध्यक्ष न्हुछेराम भेले, विद्युत् प्राधिकरण भक्तपुरका कार्यालय प्रमुख प्रज्ज्वलमान श्रेष्ठ, नेपाल टेलिकम भक्तपुरका कार्यालय प्रमुख वीरेन्द्र श्रेष्ठ, स्थानीय अगुवा अनन्त धौभडेललगायतले गुठी संस्थान र भैरव नाइकेले पूजा समयमै सम्पन्न गरी जात्रा समयमै शुरु गर्न सके जात्रा शान्तिपूर्ण रुपमा सम्पन्न गर्न मद्दत पुग्ने बताए । 

बिस्केट जात्रा शान्तिपूर्ण र मर्यादित रुपमा सम्पन्न गर्न भक्तपुर नपाका प्रमुख प्रजापतिको संयोजकत्वमा ११ जनाको विशेष कार्यदल गठन गर्ने, भक्तपुर नपाले माइकिङ, सूचना प्रवाह, पर्चा पम्प्लेट प्रकाशित गर्ने र नगरवासीलाई विभिन्न गतिविधिमार्फत् शान्तिपूर्ण रुपमा जात्रा सञ्चालन गर्न आग्रह गर्ने, नगरभरि जात्रा सञ्चालन गर्ने क्षेत्रमा सरसफाइ गर्ने सहमति भएको छ । 

त्यसैगरी जिल्ला प्रशासन कार्यालय तथा मातहतका सम्पूर्ण सुरक्षा निकायले जात्रा अवधिभर सुरक्षा व्यवस्थालाई प्रभावकारी बनाउन लागि पर्ने, गुठी संस्थान, भैरवनाथ जात्रा सहयोग समितिलगायत सम्बिधत संस्थाले समयमै शान्तिपूर्ण र व्यवस्थित रुपमा जात्रा सञ्चालन गर्न आवश्यक तयारी गर्ने, नेपाल विद्युत् प्राधिकरण, नेपाल टेलिकम, केबुल नेटवर्क तथा इन्टरनेट सेवा प्रदायक संस्थाले जात्रा सञ्चालन हुने क्षेत्रमा आ–आफ्ना तार तथा लठ्ठा व्यवस्थित गर्ने र भक्तपुर नपाका जनप्रतिनिधि, सुरक्षा निकाय, विभिन्न सङ्घ–संस्थाका प्रतिनिधि, विद्यालय कलेज तथा स्थानीय जनताको व्यापक सहभागितामा याली तथा सभा गर्ने भएका छन् ।  
 

सम्बन्धित समाचार

बिस्केट जात्रा सम्पन्न

भक्तपुर । भक्तपुरमा नौ दिन आठ रातसम्म मनाइने प्रसिद्ध बिस्केट जात्रा विहिबारदेखि सम्पन्न भएको छ । गत चैत २७ गते तौमढीबाट भैरवको रथ तानेर शुरु भएको जात्रा विहिबार साँझ गःहिटीबाट भैरवको

सुथः सिया जात्रा : सिन्दूरले रंगियो थिमि

भक्तपुर । बिस्केट जात्राको अवसरमा मध्यपुरथिमिका स्थानीयवासीले आज विहानैदेखि हर्षोल्लासका सिन्दुर खेलेर सुथः सिया जात्रा मनाएका छन् । विहानैदेखि मध्यपुरथिमिको टोल टोलबाट विभिन्न देवताहरुको मूर्तिलाई खटमा विराजमान गराई खट बोकेर सिन्दुर

सिन्दुरले रंगियो मध्यपुर थिमि    

भक्तपुर । बिस्केट जात्राको अवसरमा मध्यपुरथिमिका स्थानीयवासीले आज विहानैदेखि हर्षोल्लासका सिन्दुर खेलेर सुथः सिया जात्रा मनाएका छन् ।     विहानैदेखि मध्यपुरथिमिको टोल टोलबाट विभिन्न देवताहरुको मूर्तिलाई खटमा विराजमान गराई खट बोकेर सिन्दुर

जात्रामय बन्यो भक्तपुर, बिस्केट जात्रामा हजारौँको भीड    

भक्तपुर । नयाँ वर्षको दिन भक्तपुरमा मनाइने प्रसिद्ध बिस्केट जात्रा हेर्न आज विभिन्न जिल्लाबाट हजाराँैको भीड लागेको छ । परम्परागत रूपमा तान्त्रिक विधिअनुसार मनाइने बिस्केट जात्रा आज बिहानैदेखि शुरु भएको


z