१४ हजार शिक्षक स्थायीमा सिफारिश,  छुट अस्थायीको आन्दोलन

खरीबोट

काठमाडौँ । आन्तरिक प्रतिस्पर्धामा सफल करीब १४ हजार विद्यालय तहका शिक्षकले स्थायी पदमा नियुक्ति पाउँदै गर्दा छुट अस्थायी शिक्षक स्थायी हुन पाउने मागसहित पुनःआन्दोलित भएका छन् । 

शिक्षक समुदायसँगको सहमतिअनुसार सरकारले शिक्षा ऐन, २०२८ मा आठौँ र नवौँ संशोधनपछि शिक्षक सेवा आयोगले गत असार १९ मा गरेको विज्ञापनअनुसार लिखित र मौखिक परीक्षामा सफल भई नियुक्तिका लागि १४ हजार २७१ शिक्षकको सिफारिश भएको हो । यीमध्ये १७४ परीक्षार्थीको मौखिकको परीक्षा प्रकाशन हुन बाँकी छ । 

सिफारिश भएका प्रावि तहका १० हजार ८८३, निमावी तहमा एक हजार ९०९ र मावि तहमा एक हजार ४७९ कार्यरत अस्थायी शिक्षकको स्थायी पदस्थापनाका लागि शिक्षा, विज्ञान तथा प्रविधि मन्त्रालय मातहतको शिक्षा तथा मानव स्रोत विकास केन्द्रले ७७ वटै जिल्ला शिक्षा विकास तथा समन्वय एकाइलाई निर्देशन दिएको छ ।

ती शिक्षकले यही चैत मसान्तभित्र नियुक्तिपत्र पाउनेछन् । परीक्षामा सफल भई आयोगले अन्तिम नामावली प्रकाशन गरेको मितिले ती शिक्षक स्थायी नियुक्तिमा जानेछन् । 

आयोगका सूचना अधिकारी रामराज खकुरेलका अनुसार कूल २६ हजार १५१ रिक्त शिक्षक दरबन्दीमध्ये २२ हजार ७६ पदमा विज्ञापन गरिएकामा दुई हजार ५०० पदमा दर्खास्त नपरेकाले बाँकी पदमा परीक्षा भएको थियो । उनले प्रावि तहका गत फागुन २६ र मावि तहको यही चैत १५ गते सिफारिश गरिएको जानकारी दिए । 

केन्द्रका निर्देशक नगेन्द्रप्रसाद रेग्मीमार्फत् सबै एकाइलाई निर्देशन पठाई प्रावि तहका शिक्षकलाई सोही विद्यालय र महिला तथा अपाङ्गता भएका शिक्षकलाई पायक पर्ने विद्यालयमा र अन्य शिक्षकलाई विषय र दरबन्दी हेरी प्राथमिकताका आधारमा नियुक्ति दिन आग्रह गरिएको छ । नेपाल शिक्षक महासङ्घले आन्तरिक परीक्षाबाट यति धेरै स्थायी शिक्षक नियुक्त हुनु ऐतिहासिक भएको ठान्दै सेवाबाट बिदा हुने अस्थायीलाई गत फागुन ९ गतेको सहमतिका आधारमा शिक्षकलाई चाँडो सुविधा दिएर घर पठाउन माग गर्दै आएको छ ।

स्थायी हुनेलाई नियुक्तिसँगै परीक्षामा भाग नलिएका अस्थायी शिक्षकलाई सुविधासहित अवकाश दिन पनि प्रक्रिया आरम्भ भएको छ । शिक्षा ऐन, २०२८ (नवौँ संशोधन) को दफा ११ (च) को उपदफा (९) अनुसार ती शिक्षकको विवरण यकिन गरी सेवाको अवधि प्रमाणितसहित शिक्षक किताबखानामा सिफारिश गर्न केन्द्रले सर्कुलर गरेको थियो ।

ऐनको ११ च को उपदफा १० (१) बमोजिम शिक्षक सेवा आयोगले स्थायी पदपूर्तिका लागि आन्तरिक लिइएको परीक्षामा दर्खास्त दिने अन्तिम मितिसम्मको अवधिलाई अधिकतम २० वर्ष मानी तोकिएको सुविधा दिइनेछ । हालसम्मको अनुमानमा करीब चार हजार शिक्षक यो प्रक्रियाबाट ‘गोल्डेन ह्याण्डसेक’ सहित बिदा हुनेछन् ।

मन्त्रालयका प्रवक्ता वैकुण्ठप्रसाद अर्यालले अवकाश प्रयोजनका लागि करीब रु आठ अर्ब बजेट लाग्ने अनुमान गरिएकामा करीब रु पाँच अर्ब बजेट रहेको र अपुग रु तीन अर्बका लागि अर्थ मन्त्रालयसँग समन्वय भइरहेको बताए ।

छुट अस्थायीको आन्दोलन

विसं २०७२ असोज २ गते पछि अस्थायीमा नियुक्त भएका र गोल्डेन ह्याण्डसेकसमेत नपाउने भएका अस्थायी शिक्षकलाई स्थायी हुन पुनःएकपटक मौका दिइनुपर्ने भन्दै छुट अस्थायी शिक्षक सङ्घर्ष समितिले काठमाडौँमा धर्ना र दबाबमूलक कार्यक्रम सञ्चालन जारी राखेको छ । समितिका प्रदेश नं ३ का संयोजक बहादुरसिंह लामाले आजको बैठकले आन्दोलनलाई निरन्तर जारी राख्ने निर्णय भएको जानकारी दिए । 

यस आन्दोलनमा करीब १३ हजार अस्थायी शिक्षक रहेको लामाको दाबी छ । राहत र बालविकास शिक्षकले पनि आन्तरिक प्रतिस्पर्धामा भाग लिन पाउने माग गर्दै आएका छन् भने विज्ञ तथा विद्यार्थी सङ्गठनले सधैँ आन्तरिक प्रतिस्पर्धा गर्दा बजारका नयाँ जनशक्ति विद्यालय शिक्षामा आउने वातावरण नहुँदा शैक्षिक गुणस्तरमा नकारात्मक प्रभाव पर्ने जनाउँदै आएका छन् ।

सम्बन्धित समाचार

गौरव शिक्षक र अनु पत्रकार बनेको फिल्म ‘पसिना’ को ट्रेलर सार्वजनिक

काठमाडौँ । यही बैशाख २७ गतेबाट देशभर प्रदर्शनमा आउन लागेको मजदुरहरुको कथाव्यथामा निर्मित फिल्म ‘पसिना’ को ट्रेलर सार्वजनिक भएको छ । सार्वजनिक गरिएको ट्रेलरमा मजदुरहरुले भोग्नु परेको समस्यालाई देखाउन खोजिरहेको छ

विप्लव निकट शिक्षक सङ्गठनका अध्यक्ष पक्राउ

पाल्पा । विप्लव समूह निकट मानिएको शिक्षक सङ्गठन पाल्पाका अध्यक्ष विजय बुढामगरलाई प्रहरीले पक्राउ गरेको छ । मगरलाई शुक्रबार सदरमुकाम तानसेनबाट दिउँसो पक्राउ गरिएको जिल्ला प्रहरी कार्यालय पाल्पाका प्रहरी उपरीक्षक विश्वमणि

१४ हजार शिक्षक स्थायीमा सिफारिश,  छुट अस्थायीको आन्दोलन

काठमाडौँ । आन्तरिक प्रतिस्पर्धामा सफल करीब १४ हजार विद्यालय तहका शिक्षकले स्थायी पदमा नियुक्ति पाउँदै गर्दा छुट अस्थायी शिक्षक स्थायी हुन पाउने मागसहित पुनःआन्दोलित भएका छन् ।  शिक्षक समुदायसँगको सहमतिअनुसार सरकारले

रोनाल्डोको इन्जुरी ठिक हुदै, एजाक्सविरुद्ध खेल्ने प्रशिक्षकको विश्वास  

काठमाडौं । इन्जुरीका कारण मैदान बाहिर रहेका क्रिस्टियानो रोनाल्डो च्याम्पियन्स लिग अन्तर्गतको खेलमा मैदानमा फर्किने सम्भावना बढेको छ । युभेन्टसका म्यानेजर मासीमिलियानो अल्लेगरीले रोनाल्डो एजाक्सविरुद्धको खेलमामा मैदानमा फर्किने विश्वास व्यक्त गरेका


z