भानुभक्तको गाउँमा गुञ्जियो कविता

खरीबोट

दमौली । ‘पर्यटनको लागि साहित्य, साहित्यको लागि पर्यटन’ मूल नाराका साथ गीतल प्रतिष्ठान नेपाल तथा नाटक मञ्च तनहुँले भानु नगरपालिका–४ चुँदीरम्घामा अन्तर्राष्ट्रिय कवि सम्मेलनको आयोजना गरेको छ । 

नेपाली भाषाका धरोहर आदिकवि भानुभक्त आचार्यको जन्मगाउँलाई विश्वमाझ परिचित गराउने उद्देश्यले आयोजना गरिएको सो कवि सम्मेलनमा विभिन्न देशबाट आएका कविले आआफ्नो कविता सुनाएका छन् ।

सम्मेलनमा चीनबाट आएका लि वाङ, म्यान्माबाट आउनुभएका अमित घिमिरे, भारतको सिलगुडीबाट आएका सुकराज दियाले, भारतको जयगाउँबाट आएका दुर्गा चाम्लिङ राई, अमेरिकाबाट आउनुभएका गोविन्द गिरी प्रेरणालगायतले आआफ्नो कविता सुनाएका थिए ।

कवि सम्मेलनमा नेपालका विभिन्न जिल्लाबाट भानुभक्तको जन्मगाउँ आइपुग्नुभएका राधेश्याम अधिकारी, हीरण्यकुमारी पाठक, सुभद्रा भट्टराई, बाला बस्नेतलगायतले आआफ्ना रचना सुनाए । 

पाँचौँ क्षेत्रप्रताप अधिकारी स्मृति दिवसको अवसर पारेर मञ्चले देश तथा विदेशका कविलाई एकै थलोमा सहभागी गराएर कविता वाचन  गर्ने अवसर जुराएको हो । मञ्चका अध्यक्ष आकाश अधिकारीका अनुसार कवि सम्मेलनमा देश तथा विदेशबाट गरी ६० जनाभन्दा बढी साहित्यकार सहभागी भएका छन् । 

उनले भने, “भानुभक्त आचार्यको व्यक्तित्व विश्वसामु परिचित गराउने, चुँदीरम्घालाई साहित्यिक तीर्थस्थल र भाषिक केन्द्रका रूपमा विकास गर्ने उद्देश्यले कवि सम्मेलन आयोजना गरेका हौँ ।” 

तीन स्रष्टा सम्मानित

सोही अवसरमा क्षेत्रप्रताप स्मृति पुरस्कार काभ्रेका मोहन दुवाल, गीतल प्रभात युवा पुरस्कार पुरु लम्साल र गीतल प्रभात प्रतिभा पुरस्कार दुर्गा किरण तिवारीलाई प्रदान गरिएको छ । क्षेत्रप्रसाद स्मृति पुरस्कारको राशि रु १० हजार, गीतल प्रभात युवा पुरस्कारको राशि रु आठ हजार र गीत प्रभात प्रतिभा पुरस्कारको राशि रु पाँच हजार रहेको छ ।

उनीहरुलाई सांसद कृष्णकुमार श्रेष्ठ, जिल्ला समन्वय समितिका प्रमुख शान्तिरमण वाग्ले, वरिष्ठ साहित्यकार तुलसी दिवसलगायतले सम्मान गरेका थिए । सोही अवसरमा श्रेष्ठले तनहुँका साहित्यकारका लेख रचना समेटिएको ‘गीतल गुञ्जन’ पुस्तकको विमोचन गरेका थिए ।  

पाहुनालाई भानुभूमिको माटो उपहार 

यसैबीच आयोजकले कार्यक्रममा सहभागी पाहुनालाई भानु भूमिको माटो उपहार प्रदान गरेको छ । भानुभक्त आचार्यको योगदान स्मरण गराउने उद्देश्यले भानुभक्तकालीन बिर्खे टोपी र भानुभक्तको जन्मघरको माटो उपहारका रुपमा प्रदान गरिएको मञ्चका अध्यक्ष अधिकारीले जानकारी दिए ।

कार्यक्रममा सहभागी हुन आउनुभएका १५० भन्दा बढी पाहुनालाई भानुभूमिको माटो उपहारका रुपमा प्रदान गरिएको थियो । पाहुनालाई शुक्रबार भानुको जन्मस्थल नजिकैको रानागाउँ भालडाँडा घरबासमा बास बसाइएको थियो ।

सम्बन्धित समाचार

एब्स्ट्रयाक्ट आर्ट (कविता)

सुदूर अतितको एक साँझ उही घुम्ति सडकको प्रथम घुम्तिको बाँया किनारमा बसी आफ्नै धोकेवाज प्रेयसीको यादमा लक्ष्यविमुख जिन्दगीको मौन परिभाषा खोजिरहेथ्यो एउटा मान्छे बलिरहेको चुरोट, उँडिरहेको धुँवा अनि फैलिरहेको गन्धमाझ     मौनताको बैकालभित्र आफ्नै आवाजले परिचय गुमाएको पल मान्छेहरू हिँडेपनि, बहानहरू गुँडेपनि कति

एकादेशमा रुखहरू थिए (कविता)

एकादेशमा रुखहरू थिए ।   सबेरै ती रुखहरू मुस्कुराउँदै ब्यूँझन्थे अनि ब्यूँझाइदिन्थे सपनीलाेक पुगिसकेका चराहरूलाई ।   चराहरू पनि मुस्कुराउँदै ब्यूँझन्थे अनि अलाैकिक गीत गाउँथे- रुखहरूकाे हरियालीकाे रुखहरूकाे शीतलताकाे रुखहरूकाे प्रभुत्वकाे रुखहरूकाे सङ्घर्षकाे रुखहरूकाे आन्दाेलन र विद्राेहकाे ।   रुखहरू चराहरूकाे गीत सुनेर मन्त्रमुग्ध हुन्थे आभार प्रकट गर्थे

कामरेड र बालुवाटार (कविता)

कामरेड तिमीलाई पक्कै याद छ होला नि हगि? हिजो बाले गरिबीको बाबजुद पनि मलाई विद्यालय पठाउनु भएको थियो तिमीले विद्यालय आएर भनेका थियौ नि हामी बुर्जुवा शिक्षाको विरोधमा छौं हामी पुजीवादी निरंकुशताको विरोधमा छौं हामी बालुवाटारको

अनुप जोशीको कविता : फेरि एक्लै

यो सहरको विशाल अनन्तता बीचमा कतै हराएको छ यी अग्ला अग्ला घरहरूबाट आईरहेको छ नीर्जीव गन्ध अब म तिमीलाई सम्झदैछु कि लेख्दैछु फेरि अर्को कविता किन सुनसान लाग्दैछन् भीडहरु ? किन कोही जीव भेटिदैनन् वसन्तपुर, असन, रत्नपार्कहरूमा ? किन पार


z