काठमाडौं । सोलुखुम्बुको लुक्ला विमानस्थलमा समीट एयरको जहाज दुर्घटना हुदा २ जनाको मृत्यु भएको छ ।
लुक्काबाट रामेछापका लागि उड्नेक्रममा समीट एयरको विमान दुर्घटनामा परेको हो । उड्ने क्रममा धावनमार्गबाट चिप्लिएर मनाङ र श्री एयरलाइन्सको हेलिकोप्टरमा ठोक्किएर दुर्घटनामा परेको हो ।
दुर्घटनामा परी समीट एयरका को-पाइलट एस ढुंगाना र प्रहरी असई रामबहादुर खड्काको मृत्यु भएको प्रहरीले जानकारी दिएको छ । दुर्घटनामा समीट एयरकै अर्का कोपाइलट आरबी रोकाय गम्भीर घाइते रहेको बताइएको छ ।
समिट एयरमा रहेका ४ जना यात्रुको अवस्था सकुशल रहेको प्रहरीले जानकारी दिएको छ । लुक्ला विमानस्थलमा कार्यरत प्रहरी सहायक निरीक्षक रुद्र बहादुर श्रेष्ठ घाइते भई उपचारका लागि काठमाडौंतर्फ ल्याइएको छ ।
विमानको ठक्करबाट मनाङ एयर र श्री एयर हेलिकोप्टरमा क्षति पुगेको छ ।