आगामी बजेटमा बृद्धभत्ता बढ्छ – प्रधानमन्त्री ओली 

खरीबोट

काठमाडौं । प्रधानमन्त्री केपी शर्मा ओलीले सरकारले आगामी बजेटमा बृद्धभत्ता बढाउने घोषणा गरेका छन् ।

ज्येष्ठ नागरिक स्वास्थ्य विमा राष्ट्रिय अभियानको शुभारम्भ र खोलौं बैंक खाता अभियान कार्यक्रमको उद्ध्घाटन गर्दै प्रधानमन्त्री ओलीले सो घोषणा गरेका हुन् ।

“यो बुढाबुढीको भलो चिताउने सरकार हो ” प्रधानमन्त्री ओलीले भने,“यसपालीको बजेटमा बृद्धभत्ता बढ्छ । ढुक्क भए हुन्छ ।” प्रधानमन्त्री ओलीले २०५१ सालमा तत्कालिन एमालेको सरकारले वृद्ध भत्ता वितरण सुरु गरेपछि नेपालीहरुमा बाँच्ने मनोविज्ञान बढेको बताए ।

“पहिला पहिला बुढाबुढीहरु कति बर्ष पुग्नुभयो भन्दा ६८ बर्ष पुगियो । अब कति बाचिएला र भन्थे ” प्रधानमन्त्री ओलीले भने “यतिबेला बृद्धभत्ता पाउन अब दुई बर्ष बाँकी छ भन्छन् । बृद्धबृद्धाहरुमा जीवनप्रतिको आशा बढेको छ ।”

प्रधानमन्त्री ओलीले  सामाजिक सुरक्षाका हरेक क्षेत्रमा सरकारको ध्यान पुगेको बताए । प्रधानमन्त्री ओलीले कसैले भोकै नांगै बस्नु नपर्ने,मागेर खानु नपर्ने बताए । त्यस्तो अवस्थाका असाहयको साहारा सरकार हुने प्रधानमन्त्री ओलीको भनाइ छ ।

प्रधानमन्त्री ओलीले स्वास्थ्य विमा कार्यक्रमले ज्येष्ठ नागरिकहरुको स्वास्थ्य  उपचारमा ठुलो भरथेग गर्ने बताए । “हामी नेपाललाई केही बर्ष भित्रै निरोगी नेपाल,स्वास्थ्य नेपाल बनाउदैछौं ” प्रधानमन्त्री ओलीले भने, “यसका लागि हाम्रो खानपानलाई विषादी रहित बनाउनु पर्दछ । ”

प्रधानमन्त्री ओलीले केही ज्येष्ठ नागरिकहरुलाई कार्यक्रममा स्वास्थ्य विमा कार्ड वितरण गरेका छन् । यसैगरी कार्यक्रममा प्रधानमन्त्रीका पिता मोहन प्रसाद ओली र सासु धनमाया शाक्यले बैंक खाता खोलेका छन् । 
 

सम्बन्धित समाचार

अलोकतान्त्रिक शक्तिको मोर्चाबन्दी देखियो – प्रधानमन्त्री ओली

काठमाडौँ । प्रधानमन्त्री केपी शर्मा ओली लोकतान्त्रिक पद्धति र परिपाटी, मूल्यमान्यताप्रति प्रतिबद्ध रहेको बताएका छन् । प्रधानमन्त्री तथा मन्त्रिपरिषद् कार्यालय सिंहदरबारमा पत्रकार सम्मेलन आयोजना गरेका प्रधानमन्त्री ओलीले  हरेक क्षेत्रमा निहुँ खोज्ने

संसदमा बोल्न नपाउँदा प्रधानमन्त्री दु:खी, पत्रकार सम्मेलन गर्दै

काठमाडौं । प्रधानमन्त्री केपी शर्मा ओलीले प्रतिपक्षी नेपाली कांग्रसले संसदमा आज बोल्न रोकेकोमा दुःख व्यक्त गरेका छन् । प्रधानमन्त्री ओलीले ट्विट गर्दै भनेका छन्, ‘‘प्रतिपक्षी नेकाले रोष्ट्रम घेरी अवरोध गरेका कारण

संसदमा काँग्रेसको हंगामा : प्रधानमन्त्री ओलीले सम्बोधन गर्न पाएनन्  

काठमाडौँ । प्रतिनिधि सभामा प्रमुख प्रतिपक्षी दल नेपाली काँग्रेसले अवरोध गरेको छ । बैठक सुरु हुना साथ सभामुख कृष्णबहादुर महराले प्रधानमन्त्री केपी शर्मा ओलीलाई बोल्ने समय दिए पछि काँग्रेसका सांसदहरुले प्रतिपक्षी

प्रधानमन्त्री ओलीद्वारा गुठी विधेयक बारे जनप्रतिनिधीहरुसँग छलफल 

काठमाडौं । प्रधानमन्त्री केपी शर्मा ओलीले संसदमा प्रस्तुत गुठी विधेयकका बिषयमा आज जनप्रतिनिधीहरुसँग छलफल गरेका छन् । काठमाडौं उपत्यकाका नेपाल कम्यूनिष्ट पार्टी (नेकपा)का तर्फबाट  प्रतिनिधिसभा,राष्ट्रियसभा,प्रदेशसभाका सांसद,मेयर,उपमेयर र वडा अध्यक्षहरुसँग छलफल गरेका


z