रोचक बन्दै प्रिमियर लिग लिभरपुल र सिटी दुवै विजयी 

खरीबोट

काठमाडौं । इङलिश प्रिमियर लिगमा लिभरपुलले चेल्सीलाई पराजित गर्दै महत्वपूर्ण ३ अंक हासिल गरेको छ । गएराती सम्पन्न खेलमा लिभरपुलले चेल्सीलाई २-० गोल अन्तरले पराजित गरेको हो ।

लिभरपुलको जितमा साडियो माने र मोहमद सलाहले एक एक गोल गरेका थिए ।

पहिलो हाफ बिना कुनै गोलमा सकिएको खेलमा मानेले खेलको ५१औ मिनेटमा गोल गर्दै लिभरपुललाई सुरुवाती अग्रता दिलाएका थिए । त्यसको दुई मिनेटपछि नै सलाहले डी-बक्स बाहिरबाट सुन्दर प्रहार गर्दै लिभरपुलका लागि दोस्रो गोल गरेका थिए । त्यसपछि खेलमा कुनै गोल भएन र खेल लिभरपुलले २-० ले जितेको थियो ।

यो जितपछि लिभरपुल लिगको शिर्ष स्थानमा कायम रहेको छ । लिभरपुल ३४ खेलमा ८५ अंकसहित शिर्ष स्थानमा रहेको छ भने चेल्सी यस हारपछि अब चौथो स्थान गुमाउने सम्भावना रहेको छ । म्यानचेस्टर युनाइटेड भन्दा एक खेल बढी खेलेको चेल्सी ३४ खेलमा ६६ अंक रहेको छ भने ३३ खेल खेलेको युनाइटेडको ६४ अंक रहेको छ । 

सिटीको जितमा स्टरलिङको दुई गोल 

त्यसै गएराती सम्पन्न इङलिश प्रिमियर लिगमा म्यानचेस्टर सिटीले क्रिस्टल प्यालेसलाई पराजित गरेको छ ।

आइतबार भएको खेलमा सिटीले क्रिस्टल प्यालेसलाई ३-१ गोल अन्तरले पराजित गरेको हो । सिटीको जितमा रहिम स्टरलिङले २ गोल गरे भने गार्बियल जिससले एक गोल गरेका थिए । त्यस्तै क्रिस्टल प्यालेसका लागि लुका मिलुभोजेभिकले एक गोल गरेका थिए ।

सिटीका लागि खेलको १५औ मिनेट र ६३औ मिनेटमा स्टरलिङले गोल गरेका थिए भने क्रिस्टल प्यालेसका लागि खेलको ८१औ मिनेटमा लुकाले गोल फर्काएका थिए । त्यस्तै सिटीका लागि खेलको ९०औ मिनेटमा जिससले गोल गर्दै सिटीलाई ३-१ गोल अन्तरले जिताएका थिए ।

सिटीको ३३ खेलमा ८३ अंक भएको छ भने लिगको दोस्रो स्थानमा रहेको छ ।

सम्बन्धित समाचार

म्यानचेस्टर युनाइटेड छोड्न चाहन्छु – पाउल पोग्वा

काठमाडौं । म्यानचेस्टर युनाइटेडबाट खेलिरहेका फ्रेन्च प्लेमेकर पाउल पोग्वाले आउदो सिजन नयाँ क्लबबाट खेल्ने बताएका छन् । पछिल्लो समय उनी इटालियन क्लब युभेन्टस र स्पेनिस क्लब रियल म्याड्रिड जाने हल्ला चलिरहेका

एस्टन भिल्ला प्रिमियर लिगमा बढुवा  

काठमाडौँ ।  एस्टन भिल्ला इङलिश प्रिमियर लिगमा बढुवा भएको छ । प्रिमियर लिगको बढुवाको लागि सोमबार राति भएको च्याम्पियनसिपको प्ले अफ फाइनलमा डर्वी काउन्टीलाई २–१ ले पराजित गर्दै एस्टन भिल्लाले

रेलिगेशनमा परेको कार्डिफसँग म्यानचेस्टर युनाइटेड पराजित 

काठमाडौँ । म्यानचेस्टर युनाइटेडले इङलिश प्रिमियर लिगको अन्तिम खेलमा हार बेहोरेको छ । आइतबार भएको खेलमा युनाइटेडले लिगको अन्तिम खेलमा कार्डिफ सिटीसँग २-० गोल अन्तरले पराजित भएको हो । कार्डिफको जितमा

इङलिश प्रिमियर लिगको उपाधि म्यानचेस्टर सिटीले जित्यो 

काठमाडौँ । इङलिश प्रिमियर लिगको उपाधि म्यानचेस्टर सिटीले जितेको छ । लिगको अन्तिम खेलमा आइतबार ब्रिङघटनलाई ४-१ गोल अन्तरले पराजित गर्दै सिटीले लगातार प्रिमियर लिगको उपाधि जितेको हो ।  सिटीको जितमा सर्जियो


z