- २०८१ बैशाख ८ शनिबार
काठमाडौँ । इङलिश प्रिमियर लिगअन्तर्गत आर्सनलले वाटफोर्डलाई पराजित गर्दै लिगको चौथो स्थानमा उक्लिएको छ ।
गएराती सम्पन्न खेलमा आर्सनलले वाटफोर्डलाई १-० गोल अन्तरले पराजित गरेको हो । आर्सनलको जितमा पिएरे ईमरिक अउबमेयांगले खेलको १०औ मिनेटमा खेलको एक मात्र गोल गरेका थिए । ईमरिक अउबमेयांगले लिगमा आफ्नो १८औ गोल गर्दै आर्सनललाई महत्वूर्ण जित दिलाएका हुन् ।
वाटफोर्डका ट्रोय डीने खेलको ११औ मिनेटमा रातो कार्ड पाएर मैदान छोडेपछि वाटफोर्ड १० खेलाडीमा सिमित भएको थियो ।
जितपछि आर्सनल लिगमा ३३ खेलमा ६६ अंकसहित लिगको चौथो स्थानमा उक्लिएको छ भने वाटफोर्ड ३३ खेलमा ४६ अंकसहित १०औ स्थानमा रहेको छ ।
आर्सनलले अब अर्को खेल युरोपा लिग अन्तर्गत नापोलीसँग आगामी विहिबार खेल्ने छ ।
