- २०८१ बैशाख १३ बिहीबार
काठमाडौँ । च्याम्पियन्स लिग अन्तर्गत बार्सिलोना सेमिफाइनलमा पुगेको छ ।
गएराती सम्पन्न क्वाटरफाइनलको दोस्रो लिगमा म्यानचेस्टर युनाइटेडलाई ३-० गोल अन्तरले पराजित गर्दै समग्रमा ४-० को नतिजासहित बार्सिलोना सेमिफाइनलमा पुगेको हो । बार्सिलोनाले पहिलो लिगमा १-० को अग्रता लिएको थियो ।
बार्सिलोनाको घरेलु मैदानमा भएको खेलमा बार्सिलोनाका लागि २ गोल लियोनेल मेसीले गरेका थिए भने एक गोल फिलिप कोटिन्होले गरेका थिए ।
मेसीले खेलको १६औ र २०औ मिनेटमा गोल गर्दै बार्सिलोनालाई सुरुवाती अग्रता दिलाएका थिए । त्यस्तै कोटिन्होले खेलको ६१औ मिनेटमा गोल गर्दै बार्सिलोनाको अग्रता तेब्बर पारेका थिए ।
बार्सिलोना सन् २०१४-१५ सिजनपछि पहिलो पटक च्याम्पियन्स लिगको सेमिफाइनलमा पुगेको छ । त्यस्तै युनाइटेड च्याम्पियन्स लिगको क्वाटरफाइनलबाट अहिलेसम्म ७ पटक बहिएको रेकर्ड बनाएको छ ।
बार्सिलोनाले अब सेमिफाइनलमा लिभरपुल र पोर्टोबीचको विजेतासँग खेल्ने छ ।
