सिरी ए को उपाधिमा युभेन्टसको लगातार आठौँ पटक कब्जा 

खरीबोट

काठमाडौँ । युभेन्टसले इटालियन सिरी ए को उपाधि जितेको छ । गएराती सम्पन्न खेलमा फियोरेन्टिनालाई २-१ गोल अन्तरले पराजित गर्दै युभेन्टसले यस सिजनको सिरी ए को उपाधि जितेको हो ।

युभेन्टसको जितमा एलेक्स सान्ड्रोले एक गोल गरे भने फियोरेन्टिनाका पेज्जेलाले एक गोल आत्मघाती गोल गरेका थिए । क्रिस्टियानो रोनाल्डोले हानेको बल पेज्जेलाको खुट्टामा लागेर गोल पोस्टमा छिरेपछि सो गोल आत्मघाती गोल भएको थियो । त्यस्तै फियोरेन्टिनाका लागि एक गोल निकोला मिलेनकोभिकले गरेका थिए ।

युभेन्टसले यो जितसहित ३३ खेलमा ८७ अंक हासिल गरेर यस सिजनको उपाधि ५ खेल अगाडी नै जितेको हो । दोस्रो स्थानमा रहेको नापोली ३२ खेलमा ६७ अंक मात्र रहेकाले युभेन्टसले ५ खेल अगाडी नै उपाधि जितेको हो । 

गएको साता अयाक्ससँग पराजित भएर च्याम्पियन्स लिगबाट बाहिरिएको युभेन्टसले लगातार आठौ पटक सिरी ए को उपाधि जितेको छ । युभेन्टसले सन् २०११-१२ सिजनदेखि सिरी ए को उपाधि लगातार जित्दै आएको छ । युभेन्टस २१ पटक उपविजेता बनेको छ ।

युरोपका ५ उत्कृष्ट लिगमा युभेन्टसले लगातार ८ पटक लिग उपाधि जितेर नयाँ रेकर्ड बनाएको छ । फ्रेन्च क्लब लियोनले लगातार ७ पटक लिगको उपाधि जितेर दोस्रो स्थानमा रहेको छ ।

यो सिरी ए को ८७औ सिजन हो भने सिरी ए को इतिहासमा युभेनता ले अहिलेसम्म ३५औ पटक सिरी ए को उपाधि जितेको छ ।

त्यस्तै एसी मिलान १८ पटक उपाधि जितेको छ भने १५ पटक उपविजेता बनेको छ । त्यसैगरि इन्टर मिलानले पनि १८ पटक सिरी ए को उपाधि जितेको छ भने १४ पटक उपविजेता बनेको छ ।
 

सम्बन्धित समाचार

घरेलु मैदानमा युभेन्टस बराबरीमा रोकियो 

काठमाडौँ । इटालियन सिरी ए को महारथी युभेन्टस सिजनको अन्तिम लिग खेलमा बराबरीमा रोकिएको छ । गएराती सम्पन्न खेलमा युभेन्टस एटलान्टाविरुद्ध १-१ गोलको बराबरीमा रोकिएको हो । एटलान्टाका लागि खेलको ३३औ

रोनाल्डो बने सिरी ए को 'प्लेयर अफ द इयर'

काठमाडौँ । क्रिस्टियानो रोनाल्डोले यस सिजनको इटालियन सिरी ए को प्लेयर अफ द सिरिजको उपाधि जितेका छन् । यसअघि यस्तै अवार्ड रोनाल्डोले इङल्याण्ड र स्पेनमा पनि जितेका थिए । पहिलो सिजनमै

जलाटन इम्ब्राहिमोविचलाई दुई खेलको प्रतिबन्ध

काठमाडौँ । स्विडेनका फुटबलर जलाटन इम्ब्राहिमोविचलाई दुई खेलको प्रतिबन्ध लगाइएको छ । मेजर लिग सकर (एमएलएस) लिगमा एलए ग्यालेक्सीबाट खेलिरहेका इम्ब्रहिमोविचलाई न्युयोर्कसिटीविरुद्धको गत शनिबारको खेलमा सिटीका गोलकिपरलाई हानेको आरोपमा उनलाई दुई

प्रशिक्षक अल्लेग्रीले युभेन्टस छोड्ने घोषणा 

काठमाडौँ । इटालियन फुटबलको महारथी टिम युभेन्टसले आफ्ना प्रशिक्षक मासीमिलियानो अल्लेग्रीले यस सिजनको अन्त्यपछि क्लब छोड्ने घोषणा गरेको छ । युभेन्टसले एक विज्ञप्ति प्रकाशित गर्दै अल्लेग्री अर्को सिजनमा क्लबसँग नहुने घोषणा


z