तीन देशका लिग जितेर रोनाल्डोले बनाए नयाँ रेकर्ड !

खरीबोट

काठमाडौँ । क्रिस्टियानो रोनाल्डोले प्रिमियर लिग, ला लिगा र इटालियन सिरी ए जितेर नयाँ रेकर्ड बनाएका छन् ।

यसै सिजनको सुरुवातमा स्पेनिस क्लब रियल म्याड्रिड छोडेर इटालियन क्लब युभेन्टस पुगेका रोनाल्डोले गएराती सम्पन्न खेलमा फियोरेन्टिनालाई २-१ गोल अन्तरले पराजित गर्दै युभेन्टसले आठौ पटक लगातार सिरी ए को उपाधि जित्दा यस्तो रेकर्ड बनाएका हुन् ।

रोनाल्डो विश्व फुटबलका तीन महत्वपूर्ण लिग जित्ने पहिलो खेलाडी बनेका छन् । यस अघि स्विडेनका जलाटन इम्ब्रहिमोविचले स्पेन, इटाली, नेदरल्याण्ड र फ्रान्समा लिग उपाधि जितेपनि प्रिमियर लिगमा उपाधि जित्न सकेका थिएनन् ।

गत साता अयाक्ससँग पराजित भएर च्याम्पियन्स लिगबाट बाहिरिएको युभेन्टसले सिरी ए मा भने लगातार आफ्न दबदबा कायम नै राखेको छ । युभेन्टसले सन् २०११-१२ सिजनदेखि सिरी ए को उपाधि लगातार जित्दै आएको छ । युभेन्टस २१ पटक उपविजेता बनेको छ ।

युरोपका ५ उत्कृष्ट लिगमा युभेन्टसले लगातार ८ पटक लिग उपाधि जितेर नयाँ रेकर्ड बनाएको छ । फ्रेन्च क्लब लियोनले लगातार ७ पटक लिगको उपाधि जितेर दोस्रो स्थानमा रहेको छ ।

यो सिरी ए को ८७औ सिजन हो भने सिरी ए को इतिहासमा युभेन्टसले अहिलेसम्म ३५औ पटक सिरी ए को उपाधि जितेको छ ।

त्यस्तै एसी मिलान १८ पटक उपाधि जितेको छ भने १५ पटक उपविजेता बनेको छ । त्यसैगरि इन्टर मिलानले पनि १८ पटक सिरी ए को उपाधि जितेको छ भने १४ पटक उपविजेता बनेको छ ।  
 

सम्बन्धित समाचार

घरेलु मैदानमा युभेन्टस बराबरीमा रोकियो 

काठमाडौँ । इटालियन सिरी ए को महारथी युभेन्टस सिजनको अन्तिम लिग खेलमा बराबरीमा रोकिएको छ । गएराती सम्पन्न खेलमा युभेन्टस एटलान्टाविरुद्ध १-१ गोलको बराबरीमा रोकिएको हो । एटलान्टाका लागि खेलको ३३औ

रोनाल्डो बने सिरी ए को 'प्लेयर अफ द इयर'

काठमाडौँ । क्रिस्टियानो रोनाल्डोले यस सिजनको इटालियन सिरी ए को प्लेयर अफ द सिरिजको उपाधि जितेका छन् । यसअघि यस्तै अवार्ड रोनाल्डोले इङल्याण्ड र स्पेनमा पनि जितेका थिए । पहिलो सिजनमै

जलाटन इम्ब्राहिमोविचलाई दुई खेलको प्रतिबन्ध

काठमाडौँ । स्विडेनका फुटबलर जलाटन इम्ब्राहिमोविचलाई दुई खेलको प्रतिबन्ध लगाइएको छ । मेजर लिग सकर (एमएलएस) लिगमा एलए ग्यालेक्सीबाट खेलिरहेका इम्ब्रहिमोविचलाई न्युयोर्कसिटीविरुद्धको गत शनिबारको खेलमा सिटीका गोलकिपरलाई हानेको आरोपमा उनलाई दुई

प्रशिक्षक अल्लेग्रीले युभेन्टस छोड्ने घोषणा 

काठमाडौँ । इटालियन फुटबलको महारथी टिम युभेन्टसले आफ्ना प्रशिक्षक मासीमिलियानो अल्लेग्रीले यस सिजनको अन्त्यपछि क्लब छोड्ने घोषणा गरेको छ । युभेन्टसले एक विज्ञप्ति प्रकाशित गर्दै अल्लेग्री अर्को सिजनमा क्लबसँग नहुने घोषणा


z