- २०८१ बैशाख १४ शुक्रबार
कोलम्बो । श्रीलंकाका विभिन्न चर्च र होटलमा भएको शृंखलाबद्ध ब्लाष्टमा १२९ जनाको मृत्यु भएको छ ।
अन्तर्राष्ट्रिय समाचार एजेन्सी एएफपीले अस्पताल स्रोतलाई उदृत गर्दै मृतकको संख्या १२९ पुगेको जानकारी दिएको छ । मृतकमा कम्तिमा ९ जना विदेशी नागरिक रहेको एएफपीले उल्लेख गरेको छ ।
घटनामा ४ सय जनाभन्दा बढी घाइते भएको बताइएको छ ।
श्रीलंकाका आर्थिक सुधार मन्त्री हर्ष डी सिल्भाले उद्धार र राहतको काम भैरहेको र आपतकालीन बैठक बस्न लागेको जानकारी दिएका छन् ।
बम ब्लास्ट कोच्चादाईस्थित सेंट एंथोनी चर्च, नेगोंबो, शांगरी ला स्टार होटल, किंगफिशर स्टार होटल, सिनेमन ग्रांड स्टार होटल र बट्टीकोलामा भएको थियो । इष्टर पर्वको अवसरमा चर्चमा प्राथनाका लागि उपस्थित भएको बेला यी ब्लाष्ट भएका हुन् ।
घटनामा मृतकको संख्या अझै बढ्न सक्ने मिडिया रिपोर्टमा बताइएको छ ।
(एजेन्सीहरुको सहयोगमा)
