- २०८१ बैशाख १२ बुधबार
नेपालगञ्ज । आठौँ राष्ट्रिय खेलकूद प्रतियोगितामा विभागीय टिम त्रिभुवन आर्मी क्लबको अग्रता कायमै रहेको छ ।
अहिलेसम्म सम्पन्न खेलमा आर्मी क्लबले कूल १२९ पदक प्राप्त गरेको छ । आर्मी क्लबले हालसम्म ५५ स्वर्ण, ३९ रजत र ३५ कास्य पदक जितेको छ । नेपाल पुलिस क्लब र सशस्त्र प्रहरी (एपीएफ) को टिमले भने ६९-६९ पटक जितेका छन् ।
जसमा नेपाल प्रहरीले २४ स्वर्ण, २३ रजत र २२ कास्यसहित कूल ६९ पदक प्राप्त गरी दोस्रो स्थानमा छ भने एपीएफले २२ स्वर्ण, १८ रजत र २९ कश्यसहित तेरो स्थानमा रहेको छ ।
यस्तै प्रदेश ३ ले ९ स्वर्ण, १६ रजत र ३४ कास्यसहित ५९ पदक जितेको छ । त्यस्तै प्रदेश १ ले ३ स्वर्ण, ९ रजत र ३१ कश्य पदक जितेको छ भने प्रदेश ५ ले ४ स्वर्ण, १२ रजत र २३ काश्य पदक जितेका छन् । त्यस्तै गण्डकी प्रदेशले ६ स्वर्ण, ९ रजत र २३ काश्य पदक गरि कुल ३८ पदक जितेको छ ।
त्यस्तै सुदूरपश्चिम प्रदेशले ७ स्वर्ण, ५ जत र १५ कास्यसहित २७, प्रदेश २ ले ६ स्वर्ण, ६ रजत र ६ कास्यसहित १८ पदक प्राप्त गरेकोको छ ।
त्यस्तै कर्णाली प्रदेशले दुई स्वर्ण, एक रजत र दुई कास्यसहित पाँच पदक प्राप्त गरेको छ ।
गैरआवासीय नेपाली सङ्घ (एनआएन)ले एक स्वर्ण र तीन कास्य पदक जितेको छ ।
आठौ राष्ट्रिय खेलकुदमा अहिलेसम्म १३९ स्वर्ण, १३८ रजत र २२५ काश्य पदक विजेताको टुंगो लागिसकेको छ ।
