- २०८१ बैशाख १३ बिहीबार
काठमाडौँ । कमल थापा नेतृत्वको राष्ट्रिय प्रजातन्त्र पार्टी (राप्रपा) लाई सरकारले वार्तामा बोलाएको छ ।
कानुनमन्त्री भानुभक्त ढकालले हस्ताक्षर गरेको पत्र राप्रपाले पाएको राप्रपाका सहमहामन्त्री राजाराम बर्तौलाले खरीबोटलाई जानकारी दिएका छन् ।
पत्रमा यहि १० बैशाखमा १ बजे सिँहदरवारमा वार्ताका लागि उपस्थित हुन आग्रह गरिएको उल्लेख रहेको बर्तौलाले बताए ।
राप्रपाले गत फागुन ७ गते प्रजातन्त्र दिवसको अवसर पारेर देशमा हिन्दू राष्ट्र कायम गर्नुपर्ने, संघीयता खारेज गर्नुपर्नेलगायतका माग राखी प्रधानमन्त्री ओलीलाई ज्ञापन पत्र बुझाएको थियो ।
पछिल्लो समय राप्रपाले हिन्दू राष्ट्र कायम गर्नुपर्ने, संघीयता खारेज गर्नुपर्नेलगायतका माग राखी विभिन्न आन्दोलन गर्दै आएको छ ।
