सरकारसँग वार्ता गर्न राप्रपाले बनायो तीन सदस्यीय समिति 

खरीबोट

काठमाडौँ । राष्ट्रिय प्रजातन्त्र पार्टी (राप्रपा) ले सरकारसँग वार्ता गर्न तीन सदस्यीय समिति बनाएको छ ।

आइतबार सरकारले वार्ताका लागि बोलाएपछि राप्रपाले वरिष्ठ नेता दिपक बोहोराको नेतृत्वमा तीन सदस्यीय वार्ता टोलि बनाएको राप्रपाका सहमहामन्त्री राजाराम बर्तौलाले खरीबोटलाई जानकारी दिएका छन् ।

वार्ता समितिमा वरिष्ठ नेता बोहोरासहित महामन्त्री राजेन्द्र लिङदेन र वरिष्ठ केन्द्रीय सदस्य निरन्जन थापा रहेका छन् ।

यस अघि आइतबार कानुनमन्त्री भानुभक्त ढकालले हस्ताक्षर गरेको पत्र राप्रपाले पाएको थियो । 

सरकारले राप्रपासँग बैशाख १० गते अपराह्न १ बजे सिँहदरवारमा वार्ताका लागि उपस्थित हुन आग्रह गरेको छ ।

राप्रपाले गत फागुन ७ गते प्रजातन्त्र दिवसको अवसर पारेर देशमा हिन्दू राष्ट्र कायम गर्नुपर्ने, संघीयता खारेज गर्नुपर्नेलगायतका माग राखी प्रधानमन्त्री ओलीलाई ज्ञापन पत्र बुझाएको थियो ।

पछिल्लो समय राप्रपाले हिन्दू राष्ट्र कायम गर्नुपर्ने, संघीयता खारेज गर्नुपर्नेलगायतका माग राखी विभिन्न आन्दोलन गर्दै आएको छ ।  
 

सम्बन्धित समाचार

राप्रपा प्रदेश-१ को बिस्तारित बैठक : संगठन निर्माण बर्षको रुपमा काम गर्ने निर्णय

पशुपतिनगर, इलाम । राष्ट्रिय प्रजातन्त्र पार्टी प्रदेश -१ को बिस्तारित बैठक विभिन्न नौ बुँदे निर्णय गर्दै सम्पन्न भएको छ । इलामको पशुपतिनगरमा बसेको बिस्तारित बैठकमा पार्टी अध्यक्ष कमल थापाको प्रमुख उपस्थिति

कसैसँग डर नभएपछि मनपरितन्त्र हाबी भयो - कमल थापा

धनकुटा । राष्ट्रिय प्रजातन्त्र पार्टीका अध्यक्ष कमल थापाले अहिले देउता, राजा र जनता कोहिसङ्ग पनि डर नभए पछि मुलुकमा ब्रम्हलुट र मनपरितन्त्र हाबी भएको बताएका छन् । अभिभावकको रुपमा रहेको राजसंस्थालाई

धर्म, संस्कृति र पहिचान रक्षाको लागि पार्टी राजनितीभन्दा माथि उठौ - कमल थापा 

पालुङ (मकवानपुर) । राष्ट्रिय प्रजातन्त्र पार्टी (राप्रपा) का अध्यक्ष कमल थापाले धर्म, संस्कृती र पहिचान रक्षाको निमित्त पार्टीगत राजनीति भन्दा माथी उठेर सबै एक ठाउँमा उभिनु पर्नेमा जोड दिएका छन्

राप्रपा अध्यक्ष कमल थापा भेट्रान समुहको क्वाटरफाइनलमा

काठमाडौँ । भुटानको थिम्पुमा मंगलबारदेखि ५औं भारत-भुटान मैत्री टेनिस प्रतियोगिताको ४५+ भेट्रान समुहमा राप्रपा अध्यक्ष कमल थापा क्वाटरफाइनलमा प्रवेश गरेका छन् । थापाले भारत दार्जीलिङको देवनम लामालाई ६-१ र ६-२ मा


z