सुडानी प्रदर्शनकारीलाई ‘अवरोध’ हटाउन सेनाको आग्रह

खरीबोट

सुडान । सुडानी सेनाले सैनिक मुख्यालय अघिल्तिर राखेका अबरोधहरु हटाउन सोमबार प्रदर्शनकारी समक्ष आग्रह गरेको छ । सेनालाई तत्काल सत्ता छाड्न आग्रह गर्दै सैनिक मुख्यालय बाहिर हजारौं सुडानी जनता केही दिनदेखि धर्नामा बसेका छन् ।

नागरिकलाई सत्ता हस्तान्तरण गर्नेबारेमा सत्तारुढ सैनिक परिषदसँग भएको वार्ता बिफल भएसँगै सेनाले उक्त आग्रह गरेको हो । प्रदर्शनमा सहभागी नेताहरुले सेनालाई शासनसत्ता त्यागी जनताको हातमा शासनसत्ता सुम्पन निरन्तर दबाब दिइरहेका छन् ।

गत अप्रिल ६ देखि नै सैनिक मुख्यालय बाहिर प्रदर्शनकारीको ठूलो भिड निरन्तर जम्मा भइरहेको छ । उनीहरुले सडकका ठाउँठाउँमा अबरोधहरु पनि राखेका छन् ।

सैनिक परिषदको वक्तव्यमा प्रदर्शनकारीको अबरोधका कारण रेलसेवा र यातायातका अरु साधन सहज रुपमा नचल्दा नगरमा अत्यावश्यकीय सामानको ढुवानीमा असर परेको उल्लेख छ ।

आइतबार सुडानका नयाँ सैनिक शासक जनरल अब्देल फताह अल–बुरहानले सडकमा प्रदर्शनकारीले जताततै चेकप्वाइन्ट बनाएर प्रदर्शनकारीको समेत खानतलासी गरेकामा असन्तुष्टी जनाएका थिए ।

“यसले निरन्तरता पाउनु हुँदैन किनभने सुरक्षा राज्यको प्रमुख जिम्मेवारी पनि हो,” बुरहानले भने ।

तर प्रदर्शनकारीले चेकप्वाइन्ट कुनै पनि हालतमा नहटाउने घोषणा गरेका छन् । “हामी यी अबरोधहरु अहिल्यै हटाउने अवस्थामा छैनौं,” एक जना २३ वर्षीय प्रदर्शनकारी कथर हसाबल्लाहले बताए । “कसैले पनि, सैनिक परिषदले पनि हामीलाई यो ठाउँबाट हटाउन सक्दैन ।”

महिनौंको प्रदर्शनपछि सुडानी सेनाले पूर्व राष्ट्रपति ओमार अल–बासिरलाई गत अप्रिल ११ मा सत्ताच्यूत गरेको थियो । तर बसिरको सैनिक सत्ता समाप्त भएकामा खुशी भएका जनता नयाँ सैनिक सत्ता शुरु भएकामा आक्रोशित छन् ।

हाल सुडानमा जनरल बुरहानको नेतृत्वमा १० सदस्यीय सैनिक परिषदले शासन सञ्चालन गरिरहेको छ । प्रदर्शनकारीले उक्त परिषद भङ्ग हुनुपर्ने र नागरिकको नेतृत्वमा सरकार गठन हुनुपर्ने माग गरिरहेका छन् ।

सम्बन्धित समाचार

सुडानमा एक शान्ति सैनिकको मृत्यु

जेनेभा । सुडान र दक्षिण सुडानको विवादित सीमावर्ती नगर अबेईमा भएको आक्रमणमा एक जना शान्ति सैनिकको मृत्यु भएको छ । राष्ट्रसंघका प्रवक्ता फरहान हकले अबेईमा सोमबार घुम्न निस्केका दुई जना शान्ति

सुडान संकट : सेना र विपक्षीबीच सहमति

खार्तुम । सुडानमा महिनौंदेखिको प्रदर्शनको नेतृत्व गरिरहेका विपक्षी नेताहरु र सेनाबीच शक्ति बाँडफाँडमा नयाँ सहमति भएको छ । ऐतिहासिक मानिएको उक्त सहमतिसँगै आगामी तीन वर्षसम्म मुलुकको राष्ट्रपतिमा सेना र विपक्षी

प्रहरीका पूर्वमहानिरिक्षक ठकुरीद्वारा सर्वोच्चमा आत्मसमर्पण

काठमाडौं । सर्वोच्च अदालतले चर्चित सुडान घोटाला प्रकरणमा दोषी ठहर गरेका नेपाल प्रहरीका पूर्वमहानिरिक्षक रमेश चन्द ठकुरीले आत्मसमर्पण गरेका छन् ।  सर्वोच्च अदालतले दोषी ठहर गरेको दुई वर्षसम्म फरार रहेका उनले

सुडान सङ्कट : सेनाको गोली लागि ६० जनाभन्दा बढीको मृत्यु

खार्तुम । सुडानको सत्तारुढ सैनिक परिषदको आदेशमा सेनाले राजधानी खार्तुमस्थित सैनिक मुख्यालय बाहिर चलाएको गोली लागि मृत्यु हुनेको संख्या ६० जनाभन्दा बढी पुगेको छ । परिषदले सत्ता हस्तान्तरणसम्बन्धी नागरिक मोर्चासँग गरेको


z