- २०८१ बैशाख ७ शुक्रबार
काठमाडौं । काठमाडौँ उपत्यकामा फेरी शक्तिशाली भूकम्पको महसुस गरिएको छ । बुधबार बिहानदेखि अहिलेसम्म तीन पटक भूकम्पको झट्का महसुस गरिएको हो ।
पछिल्लो पटक दिउसो ३ बजेर ५ मिनेट जाँदा धादिङको नौबिसे केन्द्र बिन्दु भएर ३.९ रेक्टर स्केलको भूकम्प गएको राष्ट्रिय भूकम्प मापन केन्द्रले जानकारी दिएको छ ।
यस अघि आज बिहान ६ बजेर २९ मिनेटमा धादिङको नौबिसे नै केन्द्र भएर ५.२ रेक्टर स्केलको र नौबिसे नै केन्द्र बिन्दु भएर ६ बजेर ४० मिनेटमा ४.३ रेक्टर स्केलको दोस्रो भूकम्प गएको थियो ।
भूकम्प मापन केन्द्रका उपप्रमुख मुकुन्द भट्टराईले उक्त भूकम्प विसं २०७२ वैशाख १२ को परकम्प भएको जानकारी दिएका छन् । वैशाख १२ देखि हालसम्म चार रेक्टर स्केलभन्दा बढीका ५०० भन्दा बढी भूकम्पको परकम्प गइसकेको केन्द्रले जनाएको छ ।
भूकम्पले कुनै क्षति पुर्याएको बारे अहिलेसम्म कुनै विवरण प्राप्त भएको छैन ।
