जबजको गहन अध्ययन आवश्यक छ – मुख्यमन्त्री गुरुङ

खरीबोट

पोखरा । गण्डकी प्रदेशका मुख्यमन्त्री एवं नेपाल कम्युनिष्ट पार्टी (नेकपा) प्रदेश इञ्चार्ज पृथ्वीसुब्बा गुरुङले जनताको बहुदलीय जनवादका बारेमा गहिरो अध्ययन गर्न कार्यकर्तालाई निर्देशन दिएका छन् ।

नेकपा कास्कीद्वारा छब्बिसौँ मदन–आश्रित स्मृति दिवस एवं पार्टी एकताको प्रथम वार्षिकोत्सवका उपलक्ष्यमा पोखरामा आयोजित प्रवचन गोष्ठीमा उनले समाजको उत्पीडन र शोषण अन्त्यका लागि जबज महत्वपूर्ण कडी भएको बताएका छन् । 

मदन भण्डारीले प्रतिपादन गरेको कम्युनिष्ट पार्टी सिद्धान्त र विचार आयातित नभई मौतिकतामा आधारिता रहेको उल्लेख गर्दै उनले त्यसैका जगमा पार्टी अघि बढेको बताए ।

विनापरिश्रम कमिसनका आधारमा रातारात धनी बन्ने पूँजीवादी सोच कम्युनिष्ट पार्टीको चुनौती रहेकामा जोड दिँदै पार्टी इञ्चार्ज गुरुङले पार्टी कार्यकर्तालाई इमान्दार एवं जिम्मेवार बन्न आग्रह गरे ।

मुलुकमा गाँस, बास र कपाससहितको समृद्धिको आवश्यक रहेको बताउँदै उहाँले सरकारले समाजको आर्थिक र सामाजिक रुपान्तरण गर्ने किसिमका कार्यक्रम अघि बढाएको जानकारी दिए ।

नेकपा केन्द्रीय सदस्य चूडामणि जङ्गलीले कम्युनिष्ट पार्टी निर्माणसँगै जनताका आधारभूत आवश्यकता पूरा गर्ने चुनौति रहेको बताए । पार्टीले जनताका समक्ष निर्वाचनमा गरेका प्रतिबद्धता पूरा गर्नेतर्फ ध्यान दिनुपर्नेमा जोड दिँदै उनले ‘समृद्ध नेपाल, सुखी नेपाल’ अभियानलाई सफल पार्नसके मदन भण्डारी र जीवराज आश्रितले देखेका सपना साकार हुने विश्वास व्यक्त गरे ।

नेकपा कास्की जिल्ला कमिटीका अध्यक्ष कृष्ण थापाको अध्यक्षतामा भएको कार्यक्रममा पार्टी नेता रामराज रेग्मी, सचिव बखान सिं तमु लगायतले पार्टीभित्र गणेश प्रवृत्तिको अन्त्य गरी सुदृढ र एकताबद्ध सङ्गठनको आवश्यकता औँल्याए । 
 

सम्बन्धित समाचार

विप्लव समूहका जिल्ला सेक्रेटरी जेलबाटै नेकपामा प्रवेश

फिक्कल । नेत्रविक्रम चन्द (विप्लव) समूहका जिल्ला सेक्रेटरी दिपेन राई जेलबाट नै नेपाल कम्युनिष्ट पार्टी (नेकपा)मा प्रवेश गरेका छन् । उनले एक प्रेस विज्ञप्ति जारी गरी पार्टी परित्याग गर्दै सत्तापक्ष

नेकपा र काँग्रेसका शीर्षनेताबीच छलफल

काठमाडौँ । नेपाल कम्युनिष्ट पार्टी (नेकपा)का अध्यक्ष तथा प्रधानमन्त्री केपी शर्मा ओली, अर्का अध्यक्ष पुष्पकमल दाहाल ‘प्रचण्ड’, नेपाली काङ्ग्रेसका सभापति शेरबहादुर देउवा, वरिष्ठ नेता रामचन्द्र पौडेललगायतका नेताले पछिल्ला राजनीतिक घटनाका

काँग्रेसको जागरण कार्यक्रममा नेकपा कार्यकर्ताको आक्रमण

काठमाडौं । नेपाली कांग्रेस बाँकेको कार्यक्रममाथि नेपाल कम्युनिष्ट पार्टी (नेकपा)का कार्यकर्ताले आक्रमण गरेका छन् । दोस्रो चरणको जनजागरण अभियान अन्तर्गत कांग्रेसले बिहीबार खजुरा गाउँपालिका–२ सितापुरमा कार्यक्रम गरिरहेका बेला हलभित्रै प्रवेश गरी

नेकपा सचिवालय बैठक : उपनिर्वाचनसम्बन्धी काम गर्ने जिम्मेवारी महासचिव पौडेललाई

काठमाडौँ । सत्तारुढ दल नेपाल कम्युनिष्ट पार्टी (नेकपा) को सचिवालय बैठकले आउँदो मङ्सिरमा हुन लागेको उपनिर्वाचनको सम्पूर्ण प्रक्रिया पूरा गर्न महासचिव विष्णु पौडेललाई जिम्मेवारी दिएको छ ।  प्रधानमन्त्री निवास बालुवाटारमा आज


z