- २०८१ बैशाख ७ शुक्रबार
काठमाडौं । महानगरीय ट्राफिक प्रहरी महाशाखाले दुईपांग्रे सवारीसाधनको पछाडि बस्ने यात्रुले पनि हेल्मेट लगाउनु पर्ने व्यवस्था तत्काल लागु नहुने बताएको छ ।
आइतबार मात्रै ट्राफिक महाशाखाले यस्तो व्यवस्था लागु गरिन लागेको बताएपछि मिडिया र सामाजिक संजालमा यस बारे बहस शुरु बएपछि ट्राफिक महाशाखाले आज यस बारेमा स्पष्ट गरेको हो ।
महाशाखाले भनेको छ– ‘‘उच्च गुणस्तरको हेल्मेटको प्रयोग भएमा दुर्घटनाबाट हुने क्षति न्यून हुन सक्ने र यो नियम तत्काल कार्यान्वयन नहुने भई यातायात व्यवस्था विभाग, ट्राफिक प्रहरी र अन्य सरोकारवाला निकायबीचको समन्वय र सहकार्य पश्चात् कार्यान्वयन हुने व्यहोरा अनुरोध ।’’
महाशाखाले आइतबार मात्रै आगामी असारदेखि सो नियम लागु हुने जनाएको थियो । प्रहरीले सवारी तथा यातायात व्यवस्था ऐन २०४९को परिच्छेद ७ को दफा १३० को उपदफा २ बमोजिम यो नियम ल्याइएको जनाएको छ ।
अब दुई पांग्रे सवारी साधनको पछाडी बस्नेले हेल्मेट लगाउनु पर्ने व्यवस्था तत्काल लागु हुने भएको छ ।
