सगरमाथा आरोहणमा कामी रिताको किर्तिमान, २४औँ पटक सफल आरोहण 

खरीबोट

काठमाडौँ । साहसिक आरोही कामीरिता शेर्पाले २४औँ पटक विश्वको सर्वोच्च शिखर सगरमाथाको सफल आरोहण गरेका छन् ।

सोलुखुम्बु थामेका शेर्पाले मंगलबार बिहान ६ बजेर ३८ मिनेटमा सगरमाथाको २४औ पटक सफल आरोहण गरेको आधार शिविरबाट पर्यटन विभाग पर्वतारोहण शाखाका ज्ञानेन्द्र श्रेष्ठले खरीबोटलाई जानकारी दिएका छन् ।

कामी रिताले यहि जेठ १ गते बुधबार विश्वको सर्वोच्च शिखर सगरमाथामा २३औँपटक सगरमाथाको सफल आरोहण गरेका थिए ।

कामी रिताले यसै सिजनमा दुई पटक सगरमाथाको सफल आरोहण गरेर आफ्नै किर्तिमानलाई तोडेका छन् ।

लामो समयदेखि आरोहण क्षेत्रमा रहेका ४९ वर्षीय शेर्पाले आफूले कायम गरेको विश्व रेकर्ड आफैँले तोड्दै नयाँ विश्व कीर्तिमान कायम गर्न सफल भएका छन् ।

कामीरिता शेर्पा र ओङ्दी शेर्पाले सेभेन समिट्स ट्रेक्समार्फत आरोहण गरेका हुन् । 

सन् १९९४ मा पहिलोपटक सगरमाथाको आरोहण गरेका कामीरिताले आरोहणअघि सञ्चारकर्मीसँग कुरा गर्दै २५ पटक चुचुरोमा पुगेपछि आराम गर्ने बताएका थिए ।

बौद्ध धर्मअनुसार एक महीनाअघिदेखि गुम्बामा पूजापाठ गरी आरोहणमा गएका शेर्पाले आरोहण कठिन हुने भए पनि आफूलाई सामान्य लाग्ने बताएका थिए ।

यसअघि २१ पटक सगरमाथा चढिसकेका आप्पा शेर्पा र फुर्वातासी शेर्पाले आरोहणबाट सन्यास लिइसकेका छन् ।

सम्बन्धित समाचार

'सगरमाथामा जाम होइन लाम लागेको हो'

काठमाडौं । सरकारले सगरमाथामा ट्राफिक जामका कारण कसैको मृत्यु नभएको प्रष्ट गरेको छ ।  सरकारद्वारा गठित छानबिन समितिले सगरमाथामा एकैपटक धेरै जनालाई पठाउँदा ट्राफिक जामका कारण दुघर्टना भएको भन्ने विषय आधारहीन

‘सगरमाथा आरोहण प्रतिबन्धको हल्ला निराधार’

काठमाडौँ । पर्यटन विभागले सर्वोच्च शिखर सगरमाथासहितका हिमाल आरोहणका लागि प्रतिबन्ध लगाउने भन्ने हल्ला निराधार भएको स्पष्ट पारेको छ । विभागले विज्ञप्ति जारी गर्दै सगरमाथालगायत ४१४ हिमालमध्ये कुनै पनि हिमाल

सगरमाथाको उचाइका लागि तथ्याङ्क सङ्कलन हुँदै

काठमाडौँ । सरकारले पहिलोपटक सगरमाथाको उचाइमापनका लागि शुरु गरेको  स्थलगत कार्य करीब ९० प्रतिशत सम्पन्न भएको छ । नापी विभागले सगरमाथा तथा त्यस आसपास क्षेत्रका विभिन्न स्थानमा कार्यस्थल बनाएर आवश्यक

प्रकाश दाहाल प्रतिष्ठानद्वारा ५ जनालाई सगरमाथा आरोहण सम्मान

काठमाडौं । प्रकाश दाहाल प्रतिष्ठानले साहसिक सगरमाथा आरोहण सम्मान २०७६ बाट पाँचजना सम्मानित भएका छन् ।  नेकपाका अध्यक्ष तथा पूर्वप्रधानमन्त्री प्रचण्ड पुत्र स्वर्गीय प्रकाश दाहालको ३८ औं जन्मजयन्तीको अवसरमा प्रतिष्ठानले मंगलबार


z