- २०८१ बैशाख ६ बिहीबार
काठमाडौं । नेपाल आयल निगमले पेट्रोलको मूल्य समायोजन गरेको छ ।
इण्डियन आयल कर्पोरेशनबाट प्राप्त भएको मूल्य सूची अनुसार बुधबार राति १२ बजेदेखि लागु हुनेगरी निगमले पेट्रोलको मूल्य एक रुपैयाँ घटाएको हो ।
निगमले अन्य पेट्रोलियम पदार्थ डिजेल, मट्टीतेल र हवाई इन्धनको मूल्य भने यतावत राखेको छ । खाना पकाउने ग्यासको मूल्यसमेत यतावत रहेको निगमले जनाएको छ ।
बुधबार मूल्य समायोजन भएसँगै पेट्रोलको मूल्य ११० रुपैयाँ पुगेको छ ।
