मोहमद शाहजादको पिडा-‘म फिट हुदाहुदै पनि विश्वकप खेल्न दिइएन’

खरीबोट

काठमाडौँ । जारी विश्वकप क्रिकेटबाट इन्जुरिका कारण बाहिरिए भनिएका अफगानिस्तानका विकेटकिपर ब्याट्सम्यान मोहमद शाहजादले अफगानिस्तान क्रिकेट बोर्डलाई गम्भीर आरोप लगाएका छन् ।

शाहजादले बोर्डले विश्वकपका लागि खेलाडी छनौटमा भेदभाव गरेको आरोप लगाएका छन् । शाहजाद पाकिस्तानविरुद्धको विश्वकप अघिको वार्म अप खेलका क्रममा चोट लागेको थियो । चोटका बाबजुत पनि शाहजादले अस्ट्रेलिया र श्रीलंकाको विरुद्ध खेलेका थिए । तर चोट गम्भीर भएकाले शाहजाद विश्वकपबाट बाहिरिएका थिए ।

तर शाहजादले अफगानिस्तान फर्केपछि मिडियासँग कुराकानीका क्रममा रुदै आफ्नो फिटनेसमा कुनै समस्या नभएको खुलासा गर्दै आफ्नो इन्जुरी नहुदा पनि विश्वकपबाट बाहिर गरेको आरोप लगाएका छन् ।

साथै शाहजादले मलाई जानकारी नदिई आफु बाहिर भएको विषय मिडियाबाट थाहा पाएको समेत बताए । उनले आफ्नो घुँडाको समस्या पुरानो भएको तर पाकिस्तानविरुद्धको अभ्यास खेलमा सो चोट बढेपछि रिटायर्ड हर्ट भएको बताउदै त्यसपछि भने आफ्नो स्वास्थ्यमा कुनै समस्या नभएको समेत बताए । डाक्टरले समेत २-३ दिनको आरामपछि आफु खेल्न सक्ने भनेको समेत बताए ।

त्यस्तै शाहजादले भने, ‘मसँग कसैको समस्या छ भने मलाई भने हुन्छ । यदि उनीहरु मलाई खेलेको देख्न चाहन्नन् भने क्रिकेटबाट बिदा लिन्छु ।’

तर अफगानिस्तान क्रिकेटका प्रमुख कार्यकारी असदुल्लाह खानले भने शाहजादको ड्रप स्वाभाविक भएको प्रतिक्रिया दिएका छन् । क्रिकइन्फोसँग कुरा गर्दै असदुल्लाहले मेडिकल रिपोर्ट आइसीसीलाई दिएर नै उनको रिप्लेस्मेन्ट भएको बताउदै शाहजाद जस्तो विस्फोटक खेलाडीलाई कुनै टिमले गुमाउन नचाहने बताए ।

शाहजाद घाइते भएको भन्दै अफगानिस्तान क्रिकेट बोर्डले इक्राम अलिखिललाई विश्वकप खेल्न बोलाएको थियो ।  

शाहजादले अफगानिस्तानका तर्फबाट एकदिवसीय क्रिकेट खेलमा उच्च रन बनाउने खेलाडी हुन् । उनले ८४ खेलमा ३३.६६ को औसतले २७२७ रन बनाएका छन् ।

सम्बन्धित समाचार

अपराजित भारतलाई वेस्टइन्डिजले रोक्ला त ?

काठमाडौं । विश्वकप क्रिकेट अन्तर्गत आज भारत र वेस्टइन्डिजबीच खेल हुदै छ । प्रतियोगितामा अपराजित रहेको भारत र विश्वकपमा अहिलेसम्म खराब प्रदर्शन गरेको वेस्टइन्डिजबीचको यो खेल रोमान्चक हुने अनुमान गर्न

जितपछि सेमिफाइनलको बाटोमा पाकिस्तान

काठमाडौँ । विश्वकप क्रिकेट अन्तर्गत पाकिस्तानले न्युजील्याण्डलाई पराजित गरेको छ । गएराती सम्पन्न खेलमा पाकिस्तानले न्युजील्याण्डलाई ६ विकेटले पराजित गरेको हो । न्युजील्याण्डले दिएको २३८ रनको लक्ष्य पछाएको पाकिस्तानले ४९.१ ओभरमा ४

न्युजील्याण्डलाई नीशाम र ग्राण्डहोमले सम्हाले, पाकिस्तानले पायो २३८ को लक्ष्य

काठमाडौँ । विश्वकप क्रिकेट अन्तर्गत न्युजील्याण्डले पाकिस्तानलाई २३८ रनको लक्ष्य दिएको छ । टस जितेर पहिला ब्याटिंग गरेको न्युजील्याण्डले ५० ओभरमा ६ विकेट गुमाउदै २३७ रन बनाएको हो । सुरुवात अत्यन्त खराब

पाकिस्तानविरुद्ध न्युजील्याण्डले टस जितेर ब्याटिंग गर्दै  

काठमाडौँ । विश्वकप क्रिकेट अन्तर्गत आज न्युजील्याण्ड र पाकिस्तान खेल्दै छन् । बर्षाले गर्दा ढिलो गरी भएको टस न्युजील्याण्ड जितेर पहिला ब्याटिङ गर्ने निर्णय गरेको छ । ढिला शुरु भएपनि ओभर घटाइएको


z