• २०८१ बैशाख १२ बुधबार

विश्वकपमा भारत-पाकिस्तान : अहिलेसम्मका ६ भिडन्तको यस्तो छ नालीबेली

kharibot

काठमाडौँ । जारी विश्वकपको सबै भन्दा प्रतिक्षीत खेल भारत र पाकिस्तानबीच आइतबार भिडन्त हुदै छ ।

समुह चरणको खेलमा दुवै टिमबीच भेट हुन थालेको हो । यस विश्वकपमा पाकिस्तानको सुरुवात राम्रो हुन सकेको छैन । पकिस्तानले अहिलेसम्मका ४ खेलमा केवल एक खेल मात्र जितेको छ भने २ खेलमा हार बेहोरेको छ । त्यस्तै एक खेल बर्षाले रद्ध हुदा अंक बाडेको थियो ।

त्यस्तै भारतले भने यस विश्वकपको उत्कृष्ट सुरुवात गरेको छ । अहिलेसम्मका तीन खेलमा २ खेलमा जित हासिल गरेको छ भने एक खेल बर्षाले रद्ध हुदा अंक बाडेको छ ।

यस रिपोर्टमा भारत र पाकिस्तानको विश्वकपमा भएका अहिलेसम्मका भिडन्तको बारेमा चर्चा गर्दै छौ ।

विश्वकप क्रिकेटको इतिहासमा भारत र पाकिस्तान अहिलेसम्म ६ पटक खेलेका छन् । अहिलेसम्म भएका ६ विश्वकप खेलमा सबै खेल पाकिस्तानले भारतसँग हारेको छ । 

भारत र पाकिस्तानबीच पहिलो पटक सन् १९९२ ना खेलेका थिए । अस्ट्रेलियाको सिड्नीमा भएको सो खेलमा भारतले पाकिस्तानलाई ४३ रनले हराएको थियो । सो खेलमा सचिन तेन्दुलकरले ५४ रन बनाउनुका साथै १० ओभरमा ३७ रन दिएर एक विकेट समेत लिदै खेलको म्यान अफ द म्याच समेत बनेका थिए ।

त्यस्तै सन् १९९६ को विश्वकपमा भारत र पाकिस्तान दोस्रो पटक खेलेका थिए । भारतको बैंगलुरुमा भएको सो खेलमा भारतले पाकिस्तानलाई ३९ रनले हाराएको थियो । सो खेलमा ९३ रन बनाउने नवजोत सिंह सिद्धु खेलको म्यान अफ द म्याच बनेका थिए ।

त्यसपछि सन् १९९९ मा भारत र पाकिस्तान तेस्रो पटक विश्वकपमा खेलेका थिए । इङल्याण्डको म्यानचेस्टरमा भएको सो खेल भारतले ४७ रनले जितेको थियो । २२७ रन बनाएको भारतले पाकिस्तानलाई १८० रनमा अल आउट गरेको थियो । सो खेलमा ५ विकेट लिएका वैनकेटेश प्रसाद खेलको म्यान अफ द म्याच बनेका थिए ।

त्यसपछि सन् २००३ मा दक्षिण अफ्रिकाको सेन्चुरियनमा भएको खेलमा भारत ६ विकेटले विजयी भएको थियो । पाकिस्तानले दिएको २७३ रनको लक्ष्य भारतले ४ विकेट गुमाउदै पुरा गरेको थियो । सो खेलमा ९८ रन बनाएका सचिन तेन्दुलकर खेलको म्यान अफ द म्याच बनेका थिए ।

त्यसपछि सन् २०११ को विश्वकपमा भारत २९ रनले विजयी भएको थियो । भारतको चण्डीगढमा भएको सो खेलमा ८५ रन बनाएका सचिन तेन्दुलकर खेलको म्यान अफ द म्याच बनेका थिए ।

विश्वकपमा भारत र पाकिस्तान अन्तिम पटक सन् २०१५ को विश्वकपमा खेलेका थिए । सो खेलमा भारत ७६ रनले विजयी भएको थियो । ३०० रन बनाएको भारतले पाकिस्तानलाई २२४ रनमा अलआउट गरेको थियो । १०७ रनको शतकीय पारी खेलेका विराट कोहली खेलको म्यान अफ द म्याच बनेका थिए ।

दुई देशबीचको खराब सम्बन्धका कारण क्रिकेट सिरिज नभएको बेला विश्वकपमा हुने यी क्रिकेटका सबै भन्दा ठुला प्रतिद्वन्दीबीचको खेल सबै क्रिकेट प्रेमीका लागि प्रतिक्षाको विषय हुने गर्दछ । अब अहिलेको भारत र पाकिस्तानको टिम हेरेर कसले जित्छ भन्ने अनुमान गर्ने जिम्मा भने तपाईहरुको...

सम्बन्धित खबर

पढ्नै पर्ने

लोकप्रिय

भर्खरै