काठमाडौँ । स्पेनिस ला लिगा अन्तर्गत शनिबार भएको खेलमा रियल म्याड्रिड विजयी भएको छ ।
गेटाफेविरुद्धको खेलमा रियल म्याड्रिड विजयी भएको छ । रियलको जितमा क्रिस्टियानो रोनाल्डोले निर्णायक गोल गरेका छन् । रोनाल्डोले गरेको यो गोल यस सिजन ला लिगाको पहिलो गोल हो ।
खेलमा खेलको ३९औ मिनेटमा करीम बेन्जमाले गोल गर्दै रियललाई सुरुवाती अग्रता दिलाएका थिए ।
गेटाफेका लागि ५६औ मिनेटमा जोर्ग मोलिनाले गोल गर्दै खेल बराबरी गरेका थिए । खेलको ८५औ मिनेटमा इस्कोको पासमा रोनाल्डोले निर्णायक गोल गर्दै रियललाई विजयी बनाएका छन् ।
जितसँगै रियल ८ खेलमा १७ अंकसहित लिगको दोस्रो स्थानमा उक्लिएको छ । गेटाफे भने ८ खेलमा ८ अंकसहित लिगको १४औ स्थानमा रहेको छ ।