अफगानिस्तानविरुद्ध इङल्याण्डको विशाल रन, मोर्गनले एक्लैले बनाए १४८

खरीबोट

काठमाडौँ । विश्वकप क्रिकेट अन्तर्गत इङल्याण्डले अफगानिस्तानलाई ३९८ रनको विशाल लक्ष्य दिएको छ ।

टस जितेर पहिला बय्टिंग गरेको इङल्याण्डले ५० ओभरमा ६ विकेट गुमाएर ३९७ रन बनाएको हो । इङल्याण्डले बनाएको यो यस विश्वकपको अहिलेसम्मको सबै भन्दा धेरै रन हो ।

इङल्याण्डका लागि कप्तान इयोन मोर्गनले सर्वाधिक १४८ रनको पारी खेलेका थिए । मोर्गनले सुरु देखि नै आक्रामक ब्याटिंग गर्दै केवल ७१ बलमा १४८ रन बनाएर आउट भएका हुन् । मोर्गनले आफ्नो पारीमा १७ छक्का र केवल ४ चौका प्रहार गरेका थिए । ३६ बलमा अर्धशतक पुरा गरेका मोर्गनले ५७ बलमा शतक पुरा गरेका थिए । उनले तेस्रो विकेटका लागि जोय रुटसँग मिलेर १८९ रनको साझेदारी गरेका थिए ।

साथै मोर्गनले एकदिवसीय क्रिकेटको एक पारीमा सर्वाधिक छक्का प्रहार गर्ने खेलाडीको रेकर्ड कायम गरेका छन् । उलने सर्वाधिक १७ छक्का प्रहार गर्दै विश्व रेकर्ड समेत बनाएका छन् । यसअघि क्रिस गेलको एक पारीमा सर्वाधिक १६ छक्काको रेकर्ड थियो । 

इङल्याण्डका लागि ओपनर जोनी बैरस्ट्रवले ९० रन बनाएर आउट भएका थिए । त्यस्तै जोय रुटले लगातार उत्कृष्ट ब्याटिंग गर्दै यस खेलमा ८८ रन बनाएर आउट भएका थिए ।

त्यस्तै जोस बटलर २ रन बनाएर आउट भए भने बेन स्टोकले २ र मोइन अलीले अविजित १९ बलमा ३१ रन बनाएका थिए ।

अफगानिस्तानका लागि गुलबदीन नैब र दावलत जर्दानले ३-३ विकेट लिए । तीन स्पिनर खेलाएको अफगानिस्तानका स्पिनरलाई इङल्याण्डका ब्याट्सम्यानले धुलाई गरेका थिए । राशिद खानले ९ ओभरमा ११० रन दिएर कुनै विकेट लिएनन् भने मोहमद नावीले ९ ओभरमा ७० रन दिदा कुनै विकेट लिन सकेनन् । त्यस्तै अर्का स्पिनर मुजीब उर रहमानले भने किफायती बलिङ गर्दै १० ओभरमा ४४ रन दिए पनि विकेट भने लिन सकेनन ।

प्रतियोगितामा अहिलेसम्म इङल्याण्ड ४ खेलमा ३ जित र एक हारसहित ६ अंक पाएर चौथो स्थानमा छ भने अफगानिस्तानले अहिलेसम्म खेलेका चारै खेलमा हार बेहोरेको छ ।                                                      
 

सम्बन्धित समाचार

विश्वकप फाइनलमा गल्ति भयो, तर मलाई पछुतो छैन - अम्पायर धर्मसेना

काठमाडौँ । विश्वकप क्रिकेटको फाइनलका श्रीलंकाली अम्पायर कुमार धर्मसेनाले फाइनल खेलमा आफुले गरेको निर्णयबाट कुनै पछुतो नभएको बताएका छन् । श्रीलंकाको सन्डे टाइम्स सँग कुरा गर्दै धर्मसेनाले आफुले फाइनलको अन्तिम ओभरमा

क्रिकेट विश्वकपको सारांश : कुन रेकर्ड कसले बनाए ?

काठमाडौँ । ४६ दिनसम्म चलेको विश्वकप क्रिकेट इङल्याण्डलाई विजेता बनाउदै सकिएको छ । फाइनल खेल निकै विवादमा आएको भएपनि इङल्याण्ड विजेता बनेको छ भने अब क्रिकेटको यो महाकुम्भ अर्को चार बर्षको

जासन रोयको टेस्ट टिममा डेभ्यु, विश्वकपको प्रदर्शनको मिल्यो पुरस्कार !

काठमाडौँ । इङल्याण्डलाई ४४ बर्षको विश्वकपको इतिहासमा पहिलो विश्वकप जिताउन महत्वपूर्ण भूमिका खेलेका ओपनर जासन रोयले टेस्ट टिममा डेभ्यु गर्ने भएका छन् । आयरल्याण्डविरुद्ध इङल्याण्डको एक टेस्ट खेलका लागि रोयलाई डेभ्यु

पाकिस्तानका प्रमुख छनौटकर्ता इन्जमाम उल हकद्वारा राजीनामा 

काठमाडौं  । पाकिस्तान क्रिकेट बोर्डका प्रमुख छनौटकर्ता इन्जमाम उल हकले आफ्नो पदबाट राजीनामा दिएका छन् । इन्जमामले बुधबार पाकिस्तान क्रिकेटको प्रमुख छनौटकर्ताबाट राजीनामा दिने घोषणा गरेका हुन् । उनको कार्यकाल यहि जुलाई


z