वार्नर र फिन्च बने यस विश्वकपको सफल जोडी

खरीबोट

काठमाडौँ । जारी विश्वकपमा अस्ट्रेलियाले आयोजक इङल्याण्डलाई पराजित गर्दै सेमिफाइनलमा आफ्नो स्थान सुरक्षित गरेको छ । यसका साथै यस विश्वकपमा सेमिफाइनलमा पुग्ने अस्ट्रेलिया पहिलो देश समेत बनेको छ ।

इङल्याण्डविरुद्ध अस्ट्रेलियाका ओपनर डेभिड वार्नर र कप्तान एरोन फिन्चले शतकीय साझेदारी गर्दै अस्ट्रेलियालाई उत्कृष्ट सुरुवात दिलाएका थिए । पहिलो विकेटका लागि १२३ रनको साझेदारी गरेको यो जोडी विश्वकप क्रिकेटको इतिहासमै सफल जोडी मध्ये एक बनेको छ ।

वार्नर र फिन्चको जोडी एक विश्वकपमा तीन शतकीय साझेदारी गर्ने चौथो जोडी बनेका छन् । यो जोडीले यस विश्वकपमा तीन शतकीय साझेदारी गरेका थिए । इङल्याण्डविरुद्ध १२३ रनको साझेदारी गरेको यो जोडीले पाकिस्तानविरुद्ध १४६ रनको साझेदारी गर्दै यस विश्वकपमा अहिलेसम्म पहिलो विकेटका लागि धेरै रनको साझेदारी गर्ने रेकर्ड समेत बनाएका छन् । त्यस्तै बंगलादेशविरुद्ध पनि यो जोडीले १२१ रनको साझेदारी गरेको थियो ।

यस विश्वकपमा वार्नर र फिन्च दुवै उत्कृष्ट फर्ममा रहेका छन् । प्रतियोगितामा अहिलेसम्म धेरै रन बनाउने सुचिमा वार्नर २ शतक र ३ अर्धशतकसहित ५ सय रन बनाएर शिर्ष स्थानमा छन् भने फिन्च पनि २ शतक र ३ अर्धशतकसहित ४९६ रन बनाएर दोस्रो स्थानमा रहेका छन् ।

एकै विश्वकपमा पहिलो विकेटका लागि तीन शतकीय साझेदारी भने पहिलो पटक सन् १९९६ विश्वकपमा श्रीलंकाका लागि अरविन्द डि सिल्वा र आविष्का गुरुसिंघाले गरेका थिए ।

त्यसपछि सन् २००७ को विश्वकपमा अस्ट्रेलियाका एडम गीलक्रिष्ट र म्याथ्यु हेडनले तीन शतकीय साझेदारी गरेका थिए । त्यस्तै सन् २०१५ को विश्वकपमा श्रीलंकाका तिलकरत्ने दिलशान र कुमारा सांगाकाराले पनि तीन शतकीय साझेदारी गरेका थिए ।

सम्बन्धित समाचार

क्रिकेट विश्वकपको सारांश : कुन रेकर्ड कसले बनाए ?

काठमाडौँ । ४६ दिनसम्म चलेको विश्वकप क्रिकेट इङल्याण्डलाई विजेता बनाउदै सकिएको छ । फाइनल खेल निकै विवादमा आएको भएपनि इङल्याण्ड विजेता बनेको छ भने अब क्रिकेटको यो महाकुम्भ अर्को चार बर्षको

जासन रोयको टेस्ट टिममा डेभ्यु, विश्वकपको प्रदर्शनको मिल्यो पुरस्कार !

काठमाडौँ । इङल्याण्डलाई ४४ बर्षको विश्वकपको इतिहासमा पहिलो विश्वकप जिताउन महत्वपूर्ण भूमिका खेलेका ओपनर जासन रोयले टेस्ट टिममा डेभ्यु गर्ने भएका छन् । आयरल्याण्डविरुद्ध इङल्याण्डको एक टेस्ट खेलका लागि रोयलाई डेभ्यु

पाकिस्तानका प्रमुख छनौटकर्ता इन्जमाम उल हकद्वारा राजीनामा 

काठमाडौं  । पाकिस्तान क्रिकेट बोर्डका प्रमुख छनौटकर्ता इन्जमाम उल हकले आफ्नो पदबाट राजीनामा दिएका छन् । इन्जमामले बुधबार पाकिस्तान क्रिकेटको प्रमुख छनौटकर्ताबाट राजीनामा दिने घोषणा गरेका हुन् । उनको कार्यकाल यहि जुलाई

बेन स्टोक्सका माता पिताको संकट – छोराको जितमा खुशी हुनेकी देशको हारमा दुखि !

काठमाडौँ । विश्वकप क्रिकेट सकिएपछि पनि यस बारेका चर्चा परिचर्चा अझै सकिएका छैनन् । फाइनलमा अम्पाएरको निर्णयको विवाद, इङल्याण्डलाई विजयी बनाउने आइसीसीको नियमका बारेमा अनेकौ टिप्पणी भैरहेका बेल फाइनल खेलका प्लेयर


z