प्रदेश ३ प्रदेश सभाबाट दुई विधेयक पारित

खरीबोट

हेटौँडा । प्रदेश नं ३ प्रदेशसभाको आज अपराह्न बसेको बैठकले कर तथा गैरकर राजश्वसम्बन्धी विधेयक २०७५ लाई संशोधन गर्न बनेको विधेयक २०७६ र प्रदेशमा आर्थिक ऐन २०७५ लाई संशोधन गर्न बनेको (क), (ख) र (ग) विधेयकलाई बहुमतले पारित गरेको छ । 

उक्त बैठकमा आर्थिक मामिला तथा योजनामन्त्री कैलाशप्रसाद ढुङ्गेलले ती दुवै विधेयकलाई पारित गर्न भनी प्रस्ताव राखेका थिए । आजै बसेको दोस्रो बैठकमा सरकारद्वारा प्रस्तुत गरिएको आगामी आव २०७६-७७ का लागि विनियोजित बजेटमाथि छलफल जारी रह्यो ।
उक्त विनियोजित बजेटको छलफलमा प्रदेशसभाका सदस्यले स्थायी राजधानी र नामकरण टुङ्गो नलागेसम्म हालको हेटौँडामा मन्त्रिपरिषद्को भवन आगामी आवभित्र निर्माण गर्ने बजेट छुट्याइएकामा चिन्ता व्यक्त गरे । 

उक्त बैठकको छलफलमा बहुसङ्ख्यक सदस्यले प्रदेशको नीति योजना आयोगले सन्तुलित र समानुपातिक ढङ्गबाट प्रदेशको १३ वटै जिल्लामा योजनालाई पारदर्शीरुपमा समेट्न नसकेको र सो आयोजनाद्वारा अद्यावधिक गरिएको ‘प्रोजेक्ट बैंक’लाई पारदर्शी ढङ्गबाट कार्यान्वयनमा ल्याउन सुझाव दिए । 

बजेटको विनियोजित शीर्षकमा प्रदेशमा पूँजीगत खर्चभन्दा चालूतर्फको खर्चको आकार निकै बढाइएको भन्दै उनीहरुले पहुँचमा नरहेका जनताका लागि पिउने पानी र स्वास्थ्य उपचारका लागि उच्च प्राथमिकता दिएर बजेट छुट्याइनुपर्ने माग गरे । 

प्रदेशका जिल्लालाई पहिलो प्राथमिकतामा कृषि उत्पादन साथै पर्यटन क्षेत्रको विकासलाई गुरु योजनाका रुपमा बजेटमा समावेश गर्न आग्रह गर्दै जिम्मेवार मन्त्रीले दलगत स्वार्थ र आफ्नो पार्टीलाई मात्र प्राथमिकता दिने प्रवृत्तिलाई त्याग गर्नुपर्ने सुझाव दिए । 

प्रदेशसभाको सदस्यले निर्वाचन क्षेत्रमा पूर्वाधार विकासका लागि भनि प्रत्येक सदस्यलाई दिइने रु तीन करोड अनुदानको लोभमा सदस्य फस्न नहुने र आफ्नो कार्यकर्तालाई रिजाउनका निम्ति मात्रै सो रकम दुरुपयोग हुनसक्ने सम्भावना तीब्र बढेकाले भ्रष्टाचार नियन्त्रण हुन नसक्ने धारणा व्यक्त गर्दै सो रकम सरकारले फिर्ता गर्नुपर्ने माग गरे । 

उक्त बैठकमा सहभागी हुने सदस्यमा दीपक निरौला, नरोत्तम वैध, चन्द्रबहादुर लामा, सिर्जना सैँजु, लक्ष्मण लम्साल, रीमा लामा, रत्नप्रसाद ढकाल, शान्ति थिङ, रीना गुरुङ, विजय केसी श्रेष्ठ, प्रेमबहादुर तामाङ, केशवराज पाण्डे, सोभा शाक्य, प्रतिमा श्रेष्ठ, जीवन डङ्गोल, केशव पोखरेल, पुकार महर्जन, विशाल खड्का, सन्तबहादुर प्रजा, रामकाजी महर्जन र रामेश्वर फुँयाल थिए ।

प्रदेशसभाको अर्को बैठक असार १२ गते दिनको ११ बजे बस्नेछ ।
 

सम्बन्धित समाचार

जग्गा नहुदाँ काम रोकियो : मुख्य मन्त्री पौडेल 

हेटौंडा । प्रदेश ३ का मुख्यमन्त्री डोरमणि पौडेलले पर्याप्त जग्गा नहुदाँ विभिन्न कामहरु रोकिएको बताएका छन् । बुधबार हेटौंडामा आन्तरिक मामिला तथा कानुन मन्त्रालयको आयोजनामा भएको स्थानिय तहसंगको साझेदारीमा सञ्चालन हुने

सञ्चार रजिष्ट्रारको कार्यालय प्रदेश ३ को कार्यविधि मस्यौदा तयार

चितवन । सञ्चार रजिष्ट्रारको कार्यालय प्रदेश नम्बर ३ मकवानपुरले पत्रकार र सञ्चारमाध्यमलाई सशक्त बनाउन कार्यविधि मस्यौदा तयार पारेको छ । कार्यालयले मंगलबार आयोजना गरेको श्रमजीवी पत्रकार ऐन कार्यान्वयन, अवस्था र चुनौती

प्रदेश ३ मा पशुपालन तथा मत्स्य विकासका लागि २४ करोड लगानी

हेटौँडा । प्रदेश नं ३ सरकारले पशुपालन तथा मत्स्य विकासका लागि चालू आर्थिक वर्षमा निजी तथा सहकारीको साझेदारीमा २४ करोडभन्दा बढी लगानी गर्ने भएको छ । प्रदेशको भूमि व्यवस्था, कृषि तथा

दुई अर्ब लागतमा कागज उद्योग स्थापना गर्ने प्रदेश ३ सरकारको तयारी

हेटौँडा । प्रदेश नं ३ सरकारले मकवानपुरको मनहरिमा २ अर्ब लगानीमा कागज उद्योग स्थापना गर्ने भएको छ । निजी क्षेत्रसँग समेत सहकार्य गरेर स्थापना गरिने उद्योगका लागि विस्तृत परियोजना प्रतिवेदन (डिपिआर)


z