जितपछि सेमिफाइनलको बाटोमा पाकिस्तान

खरीबोट

काठमाडौँ । विश्वकप क्रिकेट अन्तर्गत पाकिस्तानले न्युजील्याण्डलाई पराजित गरेको छ ।

गएराती सम्पन्न खेलमा पाकिस्तानले न्युजील्याण्डलाई ६ विकेटले पराजित गरेको हो ।

न्युजील्याण्डले दिएको २३८ रनको लक्ष्य पछाएको पाकिस्तानले ४९.१ ओभरमा ४ विकेट गुमाउदै लक्ष्य पुरा गरेको हो ।

पाकिस्तानको जितमा बबर आजमले शतकीय पारी खेलेका थिए । आजमले अविजित रहदै १२७ बल खेलेर १०१ रन बनाएका थिए । त्यस्तै हरिस शोहेलले ६८ रनको उत्कृष्ट पारी खेल्दै पाकिस्तानको जितको आधार बनाएका थिए । पाकिस्तानका लागि मोहमद हाफीजले ३२ रन बनाए भने इमाम उल हकले १९, फखर जमानले ९ र सरफराज अहमदले अविजित ५ रन बनाएका थिए ।

न्युजील्याण्डका बलर ट्रेन्ट बोल्ट, केन विलियम्सन र लुकी फर्गुसनले एक एक विकेट लिएका थिए ।

यसअघि टस जितेर पहिला ब्याटिंग गरेको न्युजील्याण्डले ५० ओभरमा ६ विकेट गुमाउदै २३७ रन बनाएको थियो ।

सुरुवात अत्यन्त खराब गरेको न्युजील्याण्डका लागि जिम्मी नीशाम र कोलिन डि ग्राण्डहोमले छैठौ विकेटका लागि १३२ रनको साझेदारी गर्दै न्युजील्याण्डलाई सम्मानजनक स्थितिमा पुर्याएका थिए ।

न्युजील्याण्डले पहिलो विकेट ५ रनमा, दोस्रो विकेट २४ रनमा, तेस्रो विकेट ३८ रनमा, चौथो विकेट ४६ रनमा र पाँचौ विकेट ८३ रनमा गुमाएको थियो ।

न्युजील्याण्डका लागि जिम्मी निशामले अविजित ९७ रन बनाए भने ग्राण्डहोमले ६४ रन बनाएका थिए ।

त्यस्तै कप्तान केन विलियम्सनले ४१ रन बनाए भने कोलिन म्रुनोले १२ रन बनाएका थिए । त्यस्तै मार्टिन गप्टिलले ५ रन बनाएर आउट भए भने रोज टेलर ३ र टम लाथम १ रन बनाएर आउट भएका थिए । त्यस्तै मिचेल सान्टनरले अविजित ५ रन बनाए ।   

पाकिस्तानका बलर शाहीनशाह अफ्रिदीले सर्वाधिक ३ विकेट लिए भने मोहमद आमिर र शदाब खानले एक एक विकेट लिए ।

जितपछि पाकिस्तानको प्रतियोगितामा सेमिफाइनलमा पुग्ने दौडमा जिवितै रहेको छ । पाकिस्तान ७ खेलमा ७ अंक बटुल्दै छैठौ स्थानमा उक्लिएको छ । अब पाकिस्तानका लागि अफगानिस्तान र बंगलादेशसँगको दुवै खेल जित्नुपर्ने देखिएको छ ।

त्यस्तै न्युजील्याण्डको सेमिफाइनल यात्राका लागि भने तत्काललाई ब्रेक लागेको छ । प्रतियोगितामा पहिलो हार बेहोरेको न्युजिल्याण्डले अस्ट्रेलिया र इङल्याण्ड मध्ये एक खेल जित्नुपर्ने छ । हाल न्युजील्याण्डको ११ अंकसहित दोस्रो स्थानमा रहेको छ ।

विश्वकप अन्तर्गत आज भारत र वेस्टइन्डिजबीच खेल हुदै छ ।

सम्बन्धित समाचार

समुह ए बाट यी तिन देश पुगे टी-२० क्रिकेट विश्वकपमा

काठमाडौँ । टी-२० विश्वकप छनौट अन्तर्गत समुह ए बाट छनौट हुने तीन टिमको टुंगो लागेको छ ।  आज सम्पन्न समुह ए अन्तर्गतको अन्तिम खेलमा नेदरल्याण्डसले स्कटल्याण्डलाई पराजित गरेसँगै समुह ए बाट

विश्वकप फाइनलमा गल्ति भयो, तर मलाई पछुतो छैन - अम्पायर धर्मसेना

काठमाडौँ । विश्वकप क्रिकेटको फाइनलका श्रीलंकाली अम्पायर कुमार धर्मसेनाले फाइनल खेलमा आफुले गरेको निर्णयबाट कुनै पछुतो नभएको बताएका छन् । श्रीलंकाको सन्डे टाइम्स सँग कुरा गर्दै धर्मसेनाले आफुले फाइनलको अन्तिम ओभरमा

क्रिकेट विश्वकपको सारांश : कुन रेकर्ड कसले बनाए ?

काठमाडौँ । ४६ दिनसम्म चलेको विश्वकप क्रिकेट इङल्याण्डलाई विजेता बनाउदै सकिएको छ । फाइनल खेल निकै विवादमा आएको भएपनि इङल्याण्ड विजेता बनेको छ भने अब क्रिकेटको यो महाकुम्भ अर्को चार बर्षको

जासन रोयको टेस्ट टिममा डेभ्यु, विश्वकपको प्रदर्शनको मिल्यो पुरस्कार !

काठमाडौँ । इङल्याण्डलाई ४४ बर्षको विश्वकपको इतिहासमा पहिलो विश्वकप जिताउन महत्वपूर्ण भूमिका खेलेका ओपनर जासन रोयले टेस्ट टिममा डेभ्यु गर्ने भएका छन् । आयरल्याण्डविरुद्ध इङल्याण्डको एक टेस्ट खेलका लागि रोयलाई डेभ्यु


z