दक्षिण अफ्रीकासँग अस्ट्रेलिया पराजित

खरीबोट

काठमाडौँ । विश्वकप क्रिकेट अन्तर्गत दक्षिण अफ्रीकाले अस्ट्रेलियालाई १० रनले पराजित गरेको छ ।

गएराती सम्पन्न खेलमा दक्षिण अफ्रीकाले दिएको ३२६ रनको लक्ष्य पछाएको अस्ट्रेलिया ४९.५ ओभरमा ३१५ रन बनाएर अल आउट भएपछि दक्षिण अफ्रीका १० रनले विजयी भएको हो ।

अस्ट्रेलियाका लागि डेभिड वार्नरले शतकीय पारी खेलेका छन् । वार्नर १२२ रन बनाएर आउट भएका थिए । यो वार्नरको यस विश्वकपमा तेस्रो शतक हो ।

त्यस्तै अस्ट्रेलियाका लागि एलेक्स केरीले ८५ रन बनाएका थिए । त्यस्तै मार्कोस स्टोइनिसले २२, उसमान ख्वाजा १८, मिचेल स्टार्क १६, बेहरेनड्रोफले ११ रन बनाए ।कप्तान एरोन फिन्च ३, स्टिभ स्मिथ ७, ग्लेन म्याक्सवेल १२ रन बनाएर आउट भएका थिए ।

दक्षिण अफ्रीकाका बलर कागीसो रबाडाले सर्वाधिक ३ विकेट लिए भने डवाने प्रेटोरिअस र एन्दिले फेहलुक्वायोले २-२ विकेट तथा इमरान ताहिर र क्रिस मोरिसले एक एक विकेट लिएका थिए ।

यसअघि टस जितेर पहिला ब्याटिंग गर्दै दक्षिण अफ्रीकाले ५० ओभरमा ६ विकेट गुमाउदै ३२५ रन बनाएको थियो ।

दक्षिण अफ्रीकाका लागि कप्तान फाफ डुप्लेसिसले शतक बनाउदै सय रन बनाएर आउट भएका थिए । त्यस्तै भान डेर दुसेनले उत्कृष्ट ९५ रन बनाएका थिए । त्यस्तै क्वेनटक डिककले ५२, एइडेन मार्क्रमले ३४, जेपी डुमीनीले १४ रन बनाएका थिए ।

अस्ट्रेलियाका बलर मिचेल स्टार्क र नाथन लियोनले २-२ विकेट लिए भने बेहरेनड्रोफ र पाट कमिन्सले एक एक विकेट लिए ।

जितसहित दक्षिण अफ्रीका अन्तिम खेलमा जितेर विश्वकपबाट बाहिरिएको छ । त्यस्तै अस्ट्रेलिया भने यो हारबाट अंक तालिकामा दोस्रो स्थान हासिल गरेको छ । भारतले अन्तिम खेलमा श्रीलंकालाई पराजित गरेसँगै र अस्ट्रेलिया पराजित भएपछि अब भारत अंक तालिकामा शिर्ष स्थानमा रहदै सेमिफाइनलमा पुगेको छ ।

लिग चरणका सबै खेल सकिदा सेमिफाइनलमा अब भारतले चौथो स्थानमा रहेको न्युजील्याण्डसँग खेल्ने छ भने अस्ट्रेलियाले तेस्रो स्थानमा रहेको इङल्याण्डसँग खेल्ने छ ।

अब पहिलो सेमिफाइनलमा भारत र न्युजील्याण्ड आगामी मंगलबार खेल्ने छन् । त्यस्तै दोस्रो सेमिफाइनलमा अस्ट्रेलिया र इङल्याण्ड आगामी विहिबार खेल्ने भएका छन् ।

सम्बन्धित समाचार

विश्वकप फाइनलमा गल्ति भयो, तर मलाई पछुतो छैन - अम्पायर धर्मसेना

काठमाडौँ । विश्वकप क्रिकेटको फाइनलका श्रीलंकाली अम्पायर कुमार धर्मसेनाले फाइनल खेलमा आफुले गरेको निर्णयबाट कुनै पछुतो नभएको बताएका छन् । श्रीलंकाको सन्डे टाइम्स सँग कुरा गर्दै धर्मसेनाले आफुले फाइनलको अन्तिम ओभरमा

क्रिकेट विश्वकपको सारांश : कुन रेकर्ड कसले बनाए ?

काठमाडौँ । ४६ दिनसम्म चलेको विश्वकप क्रिकेट इङल्याण्डलाई विजेता बनाउदै सकिएको छ । फाइनल खेल निकै विवादमा आएको भएपनि इङल्याण्ड विजेता बनेको छ भने अब क्रिकेटको यो महाकुम्भ अर्को चार बर्षको

जासन रोयको टेस्ट टिममा डेभ्यु, विश्वकपको प्रदर्शनको मिल्यो पुरस्कार !

काठमाडौँ । इङल्याण्डलाई ४४ बर्षको विश्वकपको इतिहासमा पहिलो विश्वकप जिताउन महत्वपूर्ण भूमिका खेलेका ओपनर जासन रोयले टेस्ट टिममा डेभ्यु गर्ने भएका छन् । आयरल्याण्डविरुद्ध इङल्याण्डको एक टेस्ट खेलका लागि रोयलाई डेभ्यु

पाकिस्तानका प्रमुख छनौटकर्ता इन्जमाम उल हकद्वारा राजीनामा 

काठमाडौं  । पाकिस्तान क्रिकेट बोर्डका प्रमुख छनौटकर्ता इन्जमाम उल हकले आफ्नो पदबाट राजीनामा दिएका छन् । इन्जमामले बुधबार पाकिस्तान क्रिकेटको प्रमुख छनौटकर्ताबाट राजीनामा दिने घोषणा गरेका हुन् । उनको कार्यकाल यहि जुलाई


z