छविविरुद्ध शिल्पाले दिइन् घरेलु हिंसाको उजुरी 

खरीबोट

काठमाडौँ । अभिनेत्री शिल्पा पोखरेलले श्रीमान् तथा निर्माता छविराज ओझाविरुद्ध घरेलु हिंसाको उजुरी दिएकी छन् ।

प्रहरीका अनुसार शिल्पाले तीन दिन अगाडि काठमाडौं प्रहरी परिसरमा आफूमाथि श्रीमान् ओझाले घरेलु हिंसा गरेको भन्दै उजुरी दिएकी हुन् ।

दुबैलाई प्रहरीले बुधबार छलफलका लागि बोलाएको भएपनि निर्माता ओझा विरामी परेपछि बिहीबार दिउँसो दुईलाई प्रहरी परिसरमा बोलाइएको छ ।

केही समययता दुईको बैबाहिक जीवनमा दरार उत्पन्न भएको निकट स्रोतले बताएको छ । सम्बन्धमा खटपट हुनुको कारण भने खुल्न सकेको छैन । 

स्रोतका अनुसार, शिल्पाले छविसँग डिभोर्स मागेकी छन् । तर, यस विषयमा बुझ्न खोज्दा छवि र शिल्पा दुबैसँग फोन सम्पर्क हुन सकेन । दुईले गोप्य रुपमा समस्या सुल्ट्याउन चाहेका छन् । गएको तीन वर्ष अगाडि शिल्पा र छविले काठमाडौंको गोकर्ण रिसोर्टमा सुटुक्क लगनगाँठो कसेका थिए । 

अभिनेत्री रेखा थापासँग अलगिएपछि छविले शिल्पासँग विवाह गरेका हुन् । तर, विवाह गरेको लामो समयसम्म दुईले यो कुरा सार्वजनिक गरेका थिएनन् । गत वर्ष अभिनेत्री रेखाले एक स्मारिकमा लेख लेख्दै शिल्पा र छविको विवाह भइसकेको खुलाएकी थिइन् । पछि छविले पनि स्वीकार गरेका थिए ।

एकसेएक सुपरहिट फिल्म दिएका छविले शिल्पालाई फिल्म 'लज्जा' बाट नेपाली फिल्ममा डेब्यू गराएका थिए । त्यसअघि शिल्पा म्यूजिक भिडियोमा व्यस्त थिइन् । डेब्यू फिल्मपछि उनी छविराज प्रोडक्सनको ब्यानरबाट निर्माण हुने कुनै फिल्ममा छुटेकी छैनन् । छवि निर्मित तथा शिल्पा अभिनीत पछिल्लो फिल्म 'मंगलम' हो ।  
 

सम्बन्धित समाचार

चलचित्र विकास बोर्डले भन्यो - अभिनेता खनालको फोटो नियोजित रुपमा खिचियो 

काठमाडौं । राष्ट्रपति भवन शितल निवासमा शुक्रबार राष्ट्रिय चलचित्र पुरस्कार तथा दीर्घ साधना सम्मान वितरण कार्यक्रमको फोटो विवादबारे चलचित्र विकास बोर्डले एक विज्ञप्ति निकाल्दै खण्डन गरेको छ । अभिनेता सरोज खनालले

विवादरहित बनेन राष्ट्रिय चलचित्र पुरस्कार 

काठमाडौँ । गत शुक्रबार सरकारले तीन बर्षदेखि (०७३, ०७४ र ०७५) देखिको ‘राष्ट्रिय चलचित्र पुरस्कार तथा दीर्घ साधना सम्मान’ अवार्ड तथा सम्मान एकसाथ प्रदान गरिएको छ ।     विगत तीन

तीन वर्षको राष्ट्रिय चलचित्र पुरस्कार वितरण, कसले कुन अवार्ड जिते ?

काठमाडौँ । राष्ट्रपतिबाट प्रदान गरिने ‘राष्ट्रिय चलचित्र पुरस्कार तथा दीर्घ साधना सम्मान’ शुक्रबार साँझ राष्ट्रपति निवासमा एक भव्य कार्यक्रमका बीच गएको तीन वर्ष (०७३, ०७४ र ०७५) देखिको अवार्ड तथा

फिल्म ‘साइनो’ को अफिसियल ट्रेलर सार्वजनिक

काठमाडौँ । नेपालकी प्रथम नायिका भुवन चन्द थापाले पहिलो पटक निर्माण गरेको फिल्म ‘साइनो’ को अफिसियल ट्रेलर सार्वजनिक भएको छ । बिहीबार राजधानीमा एक कार्यक्रमका बीच सार्वजनिक गरिएको ट्रेलरमार्फत् फिल्मको मूल


z