- २०८१ बैशाख १३ बिहीबार
काठमाडौँ । नेपालगंज मेडिकल कलेज तथा कोहलपुर मेडिकल कलेजसँग सांग्रिला डेभलपमेन्ट बैंक लिमिटेडको स्वास्थ्यसेवामा छूटसम्बन्धी सम्झौता भएको छ ।
बैंक र मेडिकल कलेजबीच बैंकका कर्मचारी, कर्मचारीका परिवार, बैंकका डेबिट कार्डवाहक तथा बैंकका सम्पूर्ण ग्राहकवर्गलाई उपचार गराउँदा विभिन्न सेवासुविधामा १० प्रतिशतसम्म छूट दिने सम्झौता भएको छ । सम्झौता साउन १ गतेदेखि लागू हुनेछ ।
उक्त सम्झौतापत्रमा सांग्रिला डेभलपमेन्ट बैंक लिमिटेड क्षेत्रीय कार्यालय, नेपालगंजका क्षेत्रीय प्रबन्धक जयन्द्रबहादुर खड्का र लर्ड बुद्घ एजुकेशनल एकेडेमी लिमिटेडका प्रबन्ध संचालक डा. सुरेशकुमार कानोडियाले हस्ताक्षर गरेका छन् ।
