न्युजील्याण्ड विश्वकपको फाइनलमा, जडेजा र धोनीको प्रयास असफल

खरीबोट

काठमाडौँ । सनसनीपूर्ण खेलमा भारतलाई पराजित गर्दै न्युजील्याण्ड विश्वकप क्रिकेटको फाइनलमा पुगेको छ ।

न्युजील्याण्डले दिएको २४० रनको लक्ष्य पछाएको भारतले ४९.३ ओभरमा अलआउट हुदै २२१ रन मात्र बनाएपछि न्युजील्याण्डले खेल १८ रनले जितेको हो ।

भारतलाई २२५ रनमा समेट्ने क्रममा न्युजील्याण्डका बलर माट हेनरीले सर्वाधिक ३ विकेट लिए भने ट्रेन्ट बोल्ट र मिचेल सान्टनरले २-२ विकेट लिए । त्यस्तै लुकी फर्गुसनले एक विकेट लिएका थिए भने जिम्मी निशामले एक विकेट लिए । 

भारतका लागि रविन्द्र जडेजाले सर्वाधिक ७७ रन बनाए । जडेजाले ५९ बलमा ४ छक्का र ४ चौका प्रहार गर्दै ७७ रन बनाएर आउट भएका थिए ।

त्यस्तै महेन्द्र सिंह धोनीले ५० रन बनाए । त्यस्तै हार्दिक पाण्डेय र ऋषव पन्तले ३२-३२ रनको योगदान दिएका थिए । त्यसैगरी दिनेश कार्तिक ६ तथा रोहित शर्मा, केएल राहुल र विराट कोहली १-१ रन बनाएर आउट भएका थिए ।

विश्वकप अन्तर्गत मंगलबार रोकिएको भारत र न्युजील्याण्डबीचको पहिलो सेमिफाइनल आज भएको हो ।

न्युजील्याण्डले आफ्नो बाँकी ओभर खेल्दै भारतलाई २४० रनको लक्ष्य दिएको छ ।

न्युजील्याण्डले ५० ओभरमा ८ विकेट गुमाउदै २३९ रन बनाएको हो ।

भारत र न्युजील्याण्डबीचको सेमिफाइनल खेल वर्षाले अवरुद्ध भएपछि पहिलो दिन हुन नसकेको खेललाई ‘रिजर्भ डे’ मा पुरा गर्ने नियम अनुसार आज सुरु भएको । 

अत्यन्त सुस्त सुरु गरेको न्युजील्याण्डले १० ओभरको पावरप्लेमा एक विकेट गुमाएर केबल २७ रन मात्र बनाएको थियो । १७औ बलमा पहिलो रन जोडेको न्युजील्याण्डलाई कप्तान केन विलियम्सन र हेनरी निकोलस ले सम्हालेका थिए । दुवैले दोस्रो विकेटका लागि ६८ रनको साझेदारी गरेका थिए । न्युजील्याण्डका लागि दोस्रो ठुलो साझेदारी रोज टेलर र विलियम्सनबीच ६५ रनको भएको थियो ।

न्युजील्याण्डका लागि रोज टेलर ७४ रन बनाएर आउट भए भने टम लाथम १० रन बनाएर आउट भए ।

यस अघि कप्तान केन विलियम्सनले ६७ रन बनाएर आउट भएका थिए । त्यस्तै हेनरी निकोलस २८ रन बनाएर आउट भएका थिए । त्यस्तै जिम्मी निशामले १२ रन बनाए भने कोलिन डि ग्राण्डहोम १६ रन बनाएर आउट भए । यस अघि ओपनर मार्टीन गप्टिल एक रनमा आउट भएका थिए । 

त्यस्तै भारतीय बलरले किफायती बलिङ गरेका छन् । भारतका लागि भुवनेश्वर कुमारले सर्वाधिक ३ विकेट लिए भने जसप्रित बुमराह, हार्दिक पाण्डेय, रविन्द्र जडेजा र युजवेन्द्र चहलले एक एक विकेट लिएका थिए ।

अब न्युजील्याण्डले अस्ट्रेलिया र इङल्याण्डबीचको विजेतासँग उपाधिको लागि खेल्ने छ ।         
 

सम्बन्धित समाचार

विश्वकप फाइनलमा गल्ति भयो, तर मलाई पछुतो छैन - अम्पायर धर्मसेना

काठमाडौँ । विश्वकप क्रिकेटको फाइनलका श्रीलंकाली अम्पायर कुमार धर्मसेनाले फाइनल खेलमा आफुले गरेको निर्णयबाट कुनै पछुतो नभएको बताएका छन् । श्रीलंकाको सन्डे टाइम्स सँग कुरा गर्दै धर्मसेनाले आफुले फाइनलको अन्तिम ओभरमा

क्रिकेट विश्वकपको सारांश : कुन रेकर्ड कसले बनाए ?

काठमाडौँ । ४६ दिनसम्म चलेको विश्वकप क्रिकेट इङल्याण्डलाई विजेता बनाउदै सकिएको छ । फाइनल खेल निकै विवादमा आएको भएपनि इङल्याण्ड विजेता बनेको छ भने अब क्रिकेटको यो महाकुम्भ अर्को चार बर्षको

जासन रोयको टेस्ट टिममा डेभ्यु, विश्वकपको प्रदर्शनको मिल्यो पुरस्कार !

काठमाडौँ । इङल्याण्डलाई ४४ बर्षको विश्वकपको इतिहासमा पहिलो विश्वकप जिताउन महत्वपूर्ण भूमिका खेलेका ओपनर जासन रोयले टेस्ट टिममा डेभ्यु गर्ने भएका छन् । आयरल्याण्डविरुद्ध इङल्याण्डको एक टेस्ट खेलका लागि रोयलाई डेभ्यु

पाकिस्तानका प्रमुख छनौटकर्ता इन्जमाम उल हकद्वारा राजीनामा 

काठमाडौं  । पाकिस्तान क्रिकेट बोर्डका प्रमुख छनौटकर्ता इन्जमाम उल हकले आफ्नो पदबाट राजीनामा दिएका छन् । इन्जमामले बुधबार पाकिस्तान क्रिकेटको प्रमुख छनौटकर्ताबाट राजीनामा दिने घोषणा गरेका हुन् । उनको कार्यकाल यहि जुलाई


z