विकासका लागि अहिले उपयुक्त समय : प्रधानमन्त्री ओली

खरीबोट

काठमाडौ । प्रधान मन्त्री केपी शर्मा ओलीले नेपालको विकासका लागि अहिले उपयुक्त समय भएको बताएका छन् । राष्ट्रिय युवा परिषदले आयोजना गरेको संघीय नमुना युवा संसदको बैठकलाई आज सम्बोधन गर्दै प्रधान मन्त्री ओलीले सो कुरा बताएका हुन् ।

प्रधानमन्त्री ओलीले विगतका शासकका कमजोरी र निजी स्वार्थले नेपालको विकास हुन नसकेको उल्लेख गरेका छन् । “विगतका शासकहरुको अदुरदर्शीता र निजी स्वार्थका कारणले देशको विकास हुन सकेन तर अब त्यो अवस्था छैन ” प्रधानमन्त्री ओलीले भने, “अहिले आफ्नो लागि भन्दा देशको स्वार्थलाई माथि राख्नेहरु सरकारमा छन् । त्यसकारण नेपालको विकास गर्न समस्या छैन ।

प्रधानमन्त्री ओलीले देशमा अहिले कामगर्न सक्ने जनसंख्याको बाहुल्यत भएकोले पनि देश विकासका लागि अनुकुल समय भएको बताए। “हामीसँग यतिबेला युवा जनसंख्या ४० प्रतिशत र कामगर्न सक्ने जनसंख्या ६० प्रतिशत छ ” प्रधानमन्त्री ओलीले भने, “जनसंखिक लाभको यो अवसरलाई हामीले सदुपयोग गरेर देश विकास गर्न सक्दछौं । 

प्रधानमन्त्री ओलीले आफूले २०४० सालतिर जेलमा छँदा खर्पन भन्ने कविता लेखेको स्मरण गर्दै देश विकासका लागि आफू सबै जनतालाई खर्पनमा बोकेर हिड्न तयार भएको उल्लेख गरे । “देशको विकासका लागि म युवालाई, बालबालिकालाई, ज्येष्ठ नागरिकलाई दुवैतिर खर्पनमा बोकेर हिड्न तयार छु ” प्रधानमन्त्री ओलीले भने । 

प्रधानमन्त्री ओलीले नमुना युवा सांसदले युवाहरुमा देश कसरी सञ्चालन गर्ने, विकास कसरी गर्ने त्यसका सैद्धान्तिक तरिकाहरु के कस्ता हुन्छन् भन्ने कुरा जानकारी दिने बताए । “उहिले हाम्रा पालामा सरकारले तँ राजनीति गर्ने, मन्त्रीहुने भन्दै जेलमा लगेर कुट्थ्यो ”

प्रधानमन्त्री ओलीले भने,“अहिले सरकारले बोलाएरै तपाईंहरुलाई राजनीति गर्न सिकाइरहेको छ । यो सिकाइलाई समाज सुधार संग तपाईंहरुले जोड्नुहुन्छ भन्ने अपेक्षा छ । ”
 

सम्बन्धित समाचार

ओली र मेरो भनाभनलाई श्रीमान् श्रीमतीको घर झगडाको रुपमा बुझौं – माधव नेपाल 

काठमाडौं । नेकपाका वरिष्ठ नेता माधवकुमार नेपालले पार्टी अध्यक्षसँगको भानाभनलाई गम्भीर रुपमा नलिन कार्यकर्तालाई आग्रह गरेका छन् । सहयोगीनगर सामुदायिक समाजले शुक्रबार गरेको कार्यक्रममा नेता नेपालले कार्यकर्ताले व्यक्त गरेको चिन्ताप्रति आफ्नो

प्रधानमन्त्री ओली सिंगापुर प्रस्थान : के हो प्रधानमन्त्रीको स्वास्थ्य समस्या ?

 काठमाडौं । प्रधानमन्त्री केपी शर्मा ओली स्वास्थ्य परीक्षणका लागि आज सिंगापुर प्रस्थान गरेका छन् ।   आज अपरान्ह १।३० बजे थाई एयरबाट धर्मपत्नी राधिका शाक्यलगायतका सहयोगी, निजी चिकित्सक र सुरक्षाकर्मीका साथ

प्रधानमन्त्री ओली आज सिंगापुर जादै

काठमाडौं ।  प्रधानमन्त्री केपी शर्मा ओलीको स्वास्थ्य उपचारका लागि आज फेरी सिंगापुर जादै छन् । यसअघि प्रधानमन्त्री ओली सिंगापुरमा करिब एक साता उपचार गराएर साउन २७ गते फर्किएका थिए । यसअघिको

प्रधानमन्त्री ओली र जयशंकर भेटवार्ता : पारस्परिक सम्बन्धलाई नयाँ उचाइमा पुर्याउने प्रतिबद्धता

काठमाडौँ । नेपाल र भारतका उच्च राजनीतिक नेतृत्वले दुईदेशबीचको सम्बन्धलाई नयाँ उचाइमा पुर्याउने प्रतिबद्धता पुनः व्यक्त गरेका छन् । प्रधानमन्त्री केपी शर्मा ओली र उनका भारतीय समकक्षी नरेन्द्र मोदीले आपसी सम्बन्धलाई


z