एघार महीनामा आठ खर्बको रेमिट्यान्स भित्रियो

खरीबोट

काठमाडौँ । आर्थिक वर्ष २०७५-७६ को एघार महीनाको अवधिमा रु आठ खर्ब बराबरको विप्रेषण भित्रिएको छ ।

नेपाल राष्ट्र बैंकले आज सार्वजनिक गरेको ‘देशको वर्तमान आर्थिक तथा वित्तीय स्थित’मा रु सात खर्ब ९९ अर्ब दुई करोड विप्रेषण भित्रिएको उल्लेख छ ।

समीक्षा अवधिमा विप्रेषण आप्रवाह १७.५ प्रतिशतले वृद्धि भएको हो । अघिल्लो वर्षको सोही अवधिमा विप्रेषण आप्रवाह ७.३ प्रतिशतले बढेको थियो । अमेरिकी डलरमा भने विप्रेषण आप्रवाह ८.१ प्रतिशतले वृद्धि भएको छ ।

अघिल्लो वर्ष यस्तो आप्रवाह ९.७ प्रतिशतले बढेको थियो । समीक्षा अवधिमा खुद ‘ट्रान्सफर’ १६.६ प्रतिशतले वृद्धि भई रु नौ खर्ब पाँच अर्ब १४ करोड पुगेको छ । अघिल्लो वर्षको सोही अवधिमा यस्तो प्राप्ति ०.१ प्रतिशतले बढेको थियो ।

अन्तिम श्रम स्वीकृति (संस्थागत तथा व्यक्तिगत–नयाँ र वैधानिकीकरण) का आधारमा वैदेशिक रोजगारीमा जाने नेपालीको सङ्ख्या सो अवधिमा ३७.३ प्रतिशतले घटेको छ । अघिल्लो वर्षको सोही अवधिमा यस्तो सङ्ख्या ८.२ प्रतिशतले घटेको थियो ।

पुनः श्रम स्वीकृतिका आधारमा वैदेशिक रोजगारीमा जाने नेपालीको सङ्ख्या भने समीक्षा अवधिमा ५.४ प्रतिशतले बढेको छ । अघिल्लो वर्षको सोही अवधिमा यस्तो सङ्ख्या १.६ प्रतिशतले घटेको थियो ।
 

सम्बन्धित समाचार

एघार महीनामा आठ खर्बको रेमिट्यान्स भित्रियो

काठमाडौँ । आर्थिक वर्ष २०७५-७६ को एघार महीनाको अवधिमा रु आठ खर्ब बराबरको विप्रेषण भित्रिएको छ । नेपाल राष्ट्र बैंकले आज सार्वजनिक गरेको ‘देशको वर्तमान आर्थिक तथा वित्तीय स्थित’मा रु सात

वैदेशिक रोजगारको एक दशक : रेमिट्यान्ससँगै समस्या पनि बढ्यो

काठमाडौं । धेरै प्रतिशत वाध्यात्मक र अत्यन्त न्यून प्रतिशत मात्र रहरात्मकको रोजगारी बनेको वैदेशिक रोजगारीमा जाने नेपाली श्रमिकको संख्या र रेमिटेन्समा वृद्धि भए सँगै समस्यामा पनि वृद्धि भएको छ ।  वैदेशिक

वैदेशिक रोजगारीमा जानेको संख्या घट्यो, रेमिट्यान्स बढ्यो  

काठमाडौँ । सरकारले स्वदेशमै रोजगारीका अवसर सिर्जना र युवा स्वरोजगारलाई प्राथमिकता दिएसँगै समग्र वैदेशिक रोजागरीमा जाने क्रम क्रमशः ओरालो लाग्दै गएको पाइएको छ । पछिल्ला चार महिनामा वैदेशिक रोजगारीमा जाने

पछिल्लो १० महिनामा रेमिट्यान्समा वृद्धि, हिमाल मूल्य बढ्यो

काठमाडौँ । वैदेशिक रोजगारीमा जाने क्रममा कमी देखिए पनि विप्रेषण (रेमिट्यान्स) आप्रवाह भने उल्लेख्य रुपमा वृद्धि भएको छ । नेपाल राष्ट्र बैंकले आज सार्वजनिक गरेको चालु आर्थिक वर्षको दश महीनाको देशको


z