काठमाडौँ मलको भाडाका सम्बन्धमा लेखा समितिको चासो

खरीबोट

काठमाडौँ । प्रतिनिधिसभा, सार्वजनिक लेखा समितिले सञ्चय कोषका पदाधिकारीलाई कसैको दबाबमा नपरी संस्था र सेवाग्राहीको हितलाई सर्वोपरी ठानेर काम गर्न निर्देशन दिएको छ ।

कर्मचारी सञ्चय कोष भवन बहालका सम्बन्धमा कोषका अध्यक्ष र प्रशासकसँग आज छलफलपछि समितिले घर भाडा होस् वा अरू कुनै क्षेत्रमा लगानी गर्नु परेमा संस्थाको लगानी सिद्धान्त र आधारलाई उल्लङ्घन नगर्न सल्लाह दिएको हो ।

बैठकमा सांसद डा मीनेन्द्र रिजालले भन्नुभयो, “कोषको लगानीमा नेपाल वायु सेवा निगमले मासिकरुपमा ठूलो घाटामा रहेको अवस्थामा छ, तपाईहरुको लगानी जोखिममा पर्न सक्नेप्रति कतिको चनाखो हुनुहुन्छ, लगानीको सिद्धान्त र आधारमा ऋण प्रवाह भएको हो वा कसैको दबाबमा भएको छ ? निगम अहिले मासिक १४ करोड ७० लाख घाटामा रहेको सूचना प्राप्त भएको अवस्थामा कोषले आफ्नो रकम कसरी फिर्ता गर्न सक्छ भनी उनले प्रश्न गरे । 

बैठकमा केही सांसदहरुले कूल ३७ करोड सम्पत्ति रहेको निगमलाई किन ४० अर्ब ऋण दिने काम गरियो भनी प्रश्न गर्नुभयो । कोषले माथिल्लो  तामाकोशी, रुसुवागढी र साञ्जेन, माथिल्लो त्रिशूली थ्री बी विद्युत् आयोजनामा पनि लगानी गरेको छ ।

सांसद प्रेमबहादुर आलेले लामो समयसम्म टेण्डर नगरी काठमाडौँ महल आफूखुशी भाडामा लगाउने प्रवृत्तिले संस्थाको हित हुनै नसक्ने जिकिर गर्दै भवन भाडामा लगाउने सन्दर्भमा यथाशीघ्र बोलपत्र आह्वान गर्न पदाधिकारीको ध्यानाकर्षण गराए ।

कोषका अध्यक्ष शिशिर ढुङ्गानाले सेवाग्राहीको सङ्कलित रकम एक पैसा पनि तलमाथि हुन नपाओस् भन्नेतर्फ आफू सचेत र दृढ रहेको बताए ।

 प्रशासक तुलसीप्रसाद गौतमले धरहरा बनाउने क्रममा सुन्धारास्थित कोषको भवनको केही भाग भत्काउन पर्ने भएकाले त्यससम्बन्धी निर्णय भएपछि भाडामा दिन बोलपत्र आह्वान हुने जानकारी दिए । 

पहिलो पटक २०६२ सालमा बोलकबोल प्रक्रियाद्वारा भाडामा लगाइएको सुन्धारास्थित काठमाडौँ महल र वरपरका टहराबाट कोषले मासिक एक करोड ३७ लाख बहाल लिँदै आएकामा धरहरा बनाउने क्रममा टहरा हटाएपछि अहिले मासिक ९७ लाख बहाल उठाउँदै आएको जानकारी दिइयो । 

विचौलियाबाट पीडित भएको भन्दै महलको भाडासम्बन्धी व्यवस्थापन गर्न व्यापारीहरुले कोषलाई नै आग्रह गर्दै आएको बताइएको छ ।
 

सम्बन्धित समाचार

काठमाडौँ मलको भाडाका सम्बन्धमा लेखा समितिको चासो

काठमाडौँ । प्रतिनिधिसभा, सार्वजनिक लेखा समितिले सञ्चय कोषका पदाधिकारीलाई कसैको दबाबमा नपरी संस्था र सेवाग्राहीको हितलाई सर्वोपरी ठानेर काम गर्न निर्देशन दिएको छ । कर्मचारी सञ्चय कोष भवन बहालका सम्बन्धमा कोषका

बेरुजु रकम मिनाहा गर्न लेखा समितिको निर्देशन

काठमाडौँ । सार्वजनिक लेखा समितिका सभापति भरतकुमार शाहले अशक्त, ७५ वर्ष नाघेका र मृत्यु भएका व्यक्तिका हकमा बेरुजु रकम मिनाहा गर्न सम्बन्धित निकायलाई निर्देशन दिएका छन् ।  सञ्चार तथा सूचना प्रविधि

बन्द विमान कम्पनीको बक्यौता असुल्न समस्या

काठमाडौँ । सञ्चालनमा नरहेका र टाट पल्टेका राष्ट्रिय तथा अन्तर्राष्ट्रिय विमान कम्पनीको करीब रु १३ करोड बक्यौता असुल गर्न कानूनी जटिलता देखिएको छ । बक्यौता तिर्न बाँकी निजी विमान कम्पनी टाट

दुई अर्ब बक्यौता उठाउन प्राधिकरणलाई निर्देशन

काठमाडौँ । प्रतिनिधिसभाको सार्वजनिक लेखा समितिले मातहतका विभिन्न निकायको झण्डै रु दुई अर्ब बक्यौता असुल्न नेपाल नागरिक उड्डयन प्राधिकरणलाई निर्देशन दिएको छ । समितिको आजको वैठकले त्रिभुवन अन्तर्राष्ट्रिय विमानस्थलअन्तर्गत ग्राउण्ड हेण्डलिङ


z