- २०८१ बैशाख ८ शनिबार
काठमाडौं । नेत्रविक्रम चन्द विप्लव नेतृत्वको नेकपाले एनसेलका २१ भन्दा बढी टावरमा आगजनी गरेका छन् ।
बुधबार राति र बिहीबार बिहान भएका घटनामा विभिन्न जिल्लामा एनसेलका २१ टावरमा क्षति पुगेको हो । त्यस्तै नेपाल टेलिकमको एउटा टावरमा आगजनी भएको छ ।
विभिन्न जिल्लाबाट प्राप्त विवरण अनुसार ललितपुर, सिन्धुपाल्चोक, तनहुँ, मोरङ, पोखरा, बेनी, डोटी, गोरखा, नवलपुर कैलाली, बाँके, बैतडी, सल्यान र भोजपुरमा एनसेलका टावरमा आगजनी भएको छ ।
प्राप्त विवरण अन्सुआर कैलालीमा मात्र चारवटा टावरमा आगजनी भएको छ । त्यस्तै नेपालगञ्जमा २ वटा टावरमा क्षति पुगेको भने धादिङका ३ वटा टावरमा आगजनी भएको छ ।
यस्तै, सल्या र बैतडीमा एक एक वटा टावरमा आगजनी भएको छ । अर्घाखाँचीमा नेपाल टेलिकमको एउटा टावरमा क्षति पुगेको छ ।
