- २०८१ बैशाख ७ शुक्रबार
नयाँ दिल्ली । सोनिया गान्धी भारतीय काँग्रेसको अन्तरिम अध्यक्ष बनेकी छन् । शनिबार बसेको पार्टीको केन्द्रीय कार्यसमितिको बैठकले सोनियालाई अर्को अध्यक्ष चयन नहुन्जेल अन्तरिम अध्यक्ष बनाएको छ ।
यस अघि राहुल गान्धीले निर्वाचनमा पार्टीको पराजय हुनासाथ पार्टी अध्यक्ष पदबाट राजीनामा गरेका थिए । अब गान्धी परिवार बाहिरबाट काँग्रेस अध्यक्ष हुने सबैको अनुमान विपरित सोनिया गान्धी फेरी अध्यक्ष बनेकी छन् ।
सोनियाले सन् १९९८ देखि २०१७ सम्म काँग्रेस अध्यक्षको भूमिका निभाएकी थिइन् । २०१७ मा राहुल गान्धी अध्यक्ष बनेका थिए ।
यस अघि शनिबार बिहानको बैठकले सोनिया गान्धी, राहुल, प्रियङ्का, मनमोहन सिंह र अहमद पटेललाई क्षेत्रगत रूपमा परामर्श गरी साँझसम्म नयाँ नेतृत्व चयनका लागि जिम्मेवारी दिएको थियो ।
