वीरगंज–पथलैया व्यापारीक मार्ग : निर्माण सम्पन्न नहुँदै भत्किन थाल्यो

खरीबोट

वीरगंज । पथलैया–वीरगंज ६ लेन सडक निर्माण पुरा नहुँदै भत्किन थालेपछि जीतपुरसिमराका स्थानीयहरु चिन्तित बनेका छन् । लालपुर्जा भएको जग्गा राज्यलाई बिना कुनै लोभमा दिदा समेत व्यापारीक मार्ग बिस्तार योजना बिरगंज–पथलैया ६ लेन सडक नबन्दै भत्किन थालेपछि यहाँका स्थानियहरु चिन्तीत बनेका हुन् ।

व्यापारीक मार्ग बिस्तार योजना बिरगंज–पथलैया ६ लेन सडक निर्माणको जिम्मा पाएका निर्माण व्यवसायीले कमशल समाग्रीको प्रयोग गरेर सडक निर्माण गरेका कारण निर्माण सम्पन्न नहुँदै सडक भत्किन थालेको जीतपुरसिमराका स्थानीयहरुले आरोप लगाएका छन् । 

हाल बिरगंज–पथलैया ६ लेन सडक निर्माण कार्य भै फाईनल कालो पत्रे गर्न बाँकी रहेको पथलैया, सिमरा, नितनपुर लगायतका स्थानहरुमा सडकको तल्लो तहमा खाल्डो पर्नुका साथै सडक नै दबिएको अवस्थामा पुगेको हो । 

यसरी सडकको तल्लो भाग (जग) नैं बलियो नभए अब त्यस माथि राखिने कालो पत्रेले सडकलाई कति दिन धान्ने यहाँका स्थानीयहरुको प्रश्न छ ? विगत दुई वर्ष देखि व्यापार व्यवसाय ठप्प हुँनुका साथै धुलो खाँदै आएका स्थानीय युवा व्यापारी शिव पटेलले आँफुहरुले गरेको दुःखको सहि सदुपयोग नभएको र निर्माण व्यवसायीले कमसल समानको प्रयोग गरेर काम गर्दै आएको आरोप लगाएका छन् ।

 

यस भन्दा पहिले बनेको सडक हाल सम्म पनि नबिग्रनु, तर हालै निर्माण हुन् लागेको सडक यती चाँडै धुलोपिठो हुनुमा योजना कार्यालय र निर्माण व्यवसायीको मिलोमतोमा कमसल समाग्रीको प्रयोग भएको सहजै अनुमान गर्न सकिने अर्का युवा व्यापारी मनोज कुमार साहले बताए । 

यसरी समय सिमा बढाएर पनि चार वर्ष भित्र काम सम्पन्न गराउँने योजनामा रहेको व्यापारीक मार्ग बिरगंज–पथलैया ६ लेन सडक निर्माण कार्यालय पथलैयाले सडक भत्किनुमा निर्माण व्यवसायीको गल्ती नभै ओभर लोडका कारण सडक बिग्रेको जानकारी दिएको छ ।

बिरगंज–पथलैया ६ लेन सडक निर्माण कार्यालय पथलैयाका ईन्जिनियर अशोक यादवले यस सकडमा प्रती एक्सल १० टन भार बोक्न सक्ने क्षमता रहे पनि चार एक्सलको सवारी साधनले एक सय टन सम्म भार बोकेर आउने र यातायात व्यवस्था कार्यालय बिरगंजले यसलाई रोक्न नसकेको कारण यस्तो भएको जानकारी दिए । उनले यहि प्रकारले यस सडकमा ओभर लोडका सवारी साधन आईरहेमा निर्माण भएको एक वर्ष भित्र मैं सडक बिग्रने जानकारी दिए । 

तीन अर्व २७ करोडको लागतमा पथलैया देखी बिरगंज २७ किलोमिटरको सडक निर्माण थालिएको सडक विभागले प्रति कम्पनिलाई झण्डै ६७ करोड बजेट छुट्याएर २०७५ पुष २८ गते भित्रमा निर्माण सम्पन्न गर्नु पर्ने गरी जिम्मा दिएको थियो । तर , समयमा काम नसकिए पछि योजना कार्यालय पथलैयाले निर्माण व्यवसायीहरुलाई थप एक वर्ष भित्र काम सम्पन्न गर्ने गरी समय सिमा बढाएको हो ।

सम्बन्धित समाचार

पाकिस्तानको सडक दुर्घटनामा १३ को मृत्यु

इस्लामाबाद । पाकिस्तानको दक्षिणपश्चिमी प्रान्त बलुचिस्तानमा शुक्रबार भएको एक सडक दुर्घटनामा परी कम्तीमा पनि १३ व्यक्तिको मृत्यु भएको छ। बलुचिस्तान प्रान्तको झोब जिल्लामा यात्रुबाहक भ्यान र बस एक आपसमा ठोक्किँदा सो

त्रिपुरेश्वर–नागढुङ्गा सडक निर्माण सम्पन्न हुँदै

काठमाडौँ । काठमाडौँ उपत्यकामा चार वर्ष पहिले विस्तार शुरु भएका सडकमध्ये त्रिपुरेश्वर–नागढुङ्गा सडक निर्माण सम्पन्न हुने चरणमा पुगेको छ। सडकमा आवश्यक पूर्वाधार निर्माण र एक तहको कालोपत्र सकिएकाले अहिले अर्काे

सडक मर्मतका लागि छुट्याइएको रकम खर्च हुन सकेन

काठमाडौँ । सडक बोर्ड नेपालले काठमाडौँ उपत्यका लगायत देशभरका विभिन्न सडकका खाल्डाखुल्डी मर्मतका लागि छुट्याएको रकम खर्च हुन सकेको छैन। बिभिन्न जिल्लामा रहका डिभिजन सडक कार्यालय सडक मर्मतमा भन्दा नयाँ निर्माणमा

अझै सुध्रिएन चाबहिल - साँखु सडकखण्डको दुरवस्था

काठमाडौँ । काठमाडौँको चाबहिलदेखि साँखुसम्मको सडकखण्ड कालोपत्र नहुँदा स्थानीयवासी वर्षौंदेखि धुलो धुवाँ र खाल्डोको समस्याबाट आजित छन्। सरकारले गत २०७२ सालमा चाबहिलबाट साँखुसम्म २२ मिटर चौडा अर्थात् चार लेनको सडक


z