पोल गाडेको १० वर्षपछि बिजुली बल्यो

खरीबोट

भोजपुर । स्थानिय तह सञ्चालनमा आएसँगै गाउँमा विद्युत् बल्न थालेपछि टेम्केमैयुङ गाउँपालिका–८ गोगनेका स्थानीयवासी हर्षित भएका छन् । पोल गाडेको करीब १० वर्ष बितेको भए पनि स्थानीय तह सञ्चालनसँगै गाउँमा छोटो समयमै विद्युत्सेवा विस्तारभएपछि स्थानीयवासी हर्षित भएका हुन् ।

लामो समयदेखि विद्युत् बाल्ने आशामा बसेका स्थानीयवासीले  गाउँपालिकाको गत आर्थिक  वर्षको करीब रु ७५ लाखको बजेटमा विद्युत् विस्तारको काम सम्पन्न भएसँगै विद्युत्सेवा उपभोग गर्न पाएका हुन् । वडाभित्र रहेका करीब ४५० घर धुरीमध्ये मङ्गलबारबाट दुई सय घरमा विद्युत् बल्न थालेको वडा कार्यालयका सूचना अधिकारी सीताराम लुइँटेलले जानकारी दिए । 

स्थानीयवासीले विद्युत् मिटर समयमा पाउन नसेकाले अन्य घरमा विद्युत् विस्तारमा केही ढिला भएको वडा कार्यालयले जनाएको छ ।

गाउँपालिकाको लगानी र स्थानीयवासीको करीब ३० प्रतिशत जनश्रमदानमा वडाका सबै स्थानमा मुख्यलाइन भने पुगेको छ । तर शाखा लाइनमा विद्युत् विस्तारका लागि तार नपुग्दा भने ४० घरको हारहारीमा विद्युत् पु¥याउन समस्या रहेको वडा कार्यालयले जनाएको छ ।
 

सम्बन्धित समाचार

पहिलोपटक बिजुली बत्ती बलेपछि तीन सय घरधुरीमा खुशीयाली

सप्तरी । सप्तरीको छिन्नमस्ता गाउँपालिका–२ स्थित मोहनपुर टोलमा पहिलोपटक बिजुली बत्ती बलेपछि गाउँले खुशी भएका छन्। बिजुली बत्ती बलेपछि लाभान्वित तीन सय घरधुरीमा खुशीयाली छाएको छ।   छिन्नमस्ता गाउँपालिकाकी उपाध्यक्ष उषाकुमारी मण्डलले

संसारको सबै बिजुली ठप्प भयो भने...

मानव जीवन सजिलो बनाउनको लागि संसारमा जति पनि वैज्ञानिक आविस्कार भएका छन् ती मध्य सबैभन्दा महत्वपुर्ण छ बिजुली, यो आधुनिक जीवनको लाइफलाइन हो । बिजुलीको बिना जीवनको कल्पना असम्भव छ

जुम्लामा स्थानीय नदीबाट बिजुली उत्पादन

खलङ्गा । जुम्लाको पातारासी गाउँपालिका–४ लाम्रीगाउँमा बिजुली बल्न थालेको छ। स्थानीय जवा नदीमा साना जलविद्युत् आयोजना निर्माण भएपछि बिजुली बल्न थालेको हो। बिजुली र सिँचाइको व्यवस्था हुने गरी आयोजना निर्माण गरिएको छ।

तीन वर्षभित्र हरेक घरघरमा बिजुली बल्छ : सांसद राई

सोलुखुम्बु । प्रतिनिधिसभाका सदस्य हेमकुमार राईले तीन वर्षभित्र सोलुखुम्बुको हरेक घरघरमा बिजुलीबत्ती पुग्ने बताएका छन्। सोलुखुम्बुमा स्थापना गरिएको नेपाल विद्युत् प्राधिकरणको वितरण केन्द्रको उद्घाटन गर्दै सांसद राईले निर्वाचित भएदेखिनै निरन्तर रुपमा


z