वेस्टइन्डिजविरुद्धको एकदिवसीय सिरिजमा पनि भारतको कब्जा

खरीबोट

काठमाडौँ । वेस्टइन्डिज टुरमा रहेको भारतले एकदिवसीय सिरिज २-० ले जितेको छ । गएराती सम्पन्न तेस्रो खेलमा भारत डक-वर्थ लुइस नियम अनुसार ६ विकेटले विजयी हुदै एकदिवसीय सिरिज जितेको हो ।

बर्षाले प्रभावित खेलमा वेस्टइन्डिजले ३५ ओभरमा २४० रन बनाउदा खेल बर्षाले रोकिएपछि ओभर घाटाएर ३५ ओभरमा झार्दा भारतले ३५ ओभरमा २५५ रनको लक्ष्य पाएको थियो ।

२५५ रनको लक्ष्य पाएको भारतले ३२,३ ओभरमा ४ विकेट गुमाउदै लक्ष्य पुरा गरेको थियो । भारतका लागि कप्तान विराट कोहलीले लगातार शतक प्रहार गरेका छन् । कोहलीले ९९ बलमा ११४ रन अविजित बनाएका थिए । आफ्नो पारीमा विराटले १४ चौका प्रहार गरेका थिए ।

त्यस्तै श्रेयस अय्यरले पनि ४१ बलमा ६५ रनको उत्कृष्ट पारी खेलेका थिए । त्यस्तै शिखर धवनले ३६, केदार जादभले अविजित १९ र रोहित शर्माले १० रन बनाएका थिए । त्यस्तै विकेटकिपर ब्याट्सम्यान रिषव पन्त गोल्डेन डकमा आउट भएका थिए ।

वेस्टइन्डिजका बलर फाबियन एलेनले २ विकेट लिए भने केमार रोचले एक विकेट लिएका थिए ।

यस अघि वेस्टइन्डिजले ३५ ओभरमा ७ विकेट गुमाउदै २४० रन बनाउदा खेल बर्षाले रोकिएको थियो । वेस्टइन्डिजका लागि आफ्नो क्यारियरको अन्तिम खेल खेलेका क्रिस गेलले ४१ बलमा ७२ रनको आक्रामक पारी खेलेका थिए । त्यस्तै एविन लुइसले २९ बलमा ४३ रन बनाएका थिए । त्यसै गरि निकोलस पुरनले ३०, शिमरन हेटमायरले २५, साइ होपले २४, कार्लोस ब्रेथवेटले १६ र जासन होल्डरले १४ रनको योगदान गरेका थिए ।

त्यस्तै भारतीय बलर खलिल अहमदले ३ विकेट लिए भने मोहमद सामीले २ विकेट लिएका थिए । त्यस्तै युजवेन्द्र चहल र रविन्द्र जडेजाले एक एक विकेट लिए ।

यस खेलको प्लेयर अफ द म्याच तथा प्लेयर अफ द सिरिज भारतीय कप्तान विराट कोहली बनेका छन् ।

यसका साथ तीन खेलको एकदिवसीय सिरिजमा भारतले २-० ले कब्जा गरेको छ । यस अघि खेलेको टी-२० सिरिजमा पनि भारत ३-० ले विजयी भएको थियो । 

भारतले अब वेस्टइन्डिजविरुद्ध २ टेस्ट खेल खेल्ने छ । पहिलो टेस्ट आगामी २२ अगस्टदेखि सुरु हुने छ ।                    
 

सम्बन्धित समाचार

अन्तिम खेलमा क्रिस गेलको आक्रामक ब्याटिंग

काठमाडौँ  । युनिभर्स बोसका उपनामले चह्र्चित क्रिस गेलले सम्भवत आफ्नो क्यारियरको अन्तिम एकदिवसीय खेलमा आक्रामक ब्याटिंग गरेका छन् । भारतविरुद्धको तेस्रो एकदिवसी खेलमा टस जितेर पहिला ब्याटिंग गरिरहेको वेस्टइन्डिजका गेलले ३०

लाराको रेकर्ड तोडेपछि क्रिस गेल भन्छन्- नसोचेको भयो

काठमाडौँ । 'युनिभर्स बोस' का नामले चर्चित वेस्टइन्डिजका क्रिकेटर क्रिस गेलले एकदिवसीय क्रिकेट खेल खेल्दै नयाँ इतिहास बनाएका छन् । आइतबार गेलले भारतविरुद्ध आफ्नो तीन सयौं एकदिवसीय खेल खेलेका हुन्

वेस्टइन्डिजविरुद्ध विराट र भुवनेश्वरले भारतलाई जिताए 

काठमाडौँ । भारतले वेस्टइन्डिजविरुद्धको दोस्रो एकदिवसीय खेल जितेको छ । गएराती सम्पन्न खेलमा भारतडक वर्थ लुइस नियम अनुसार ५९ रनले विजयी भएको हो । भारतले पहिलो इनिंगमा २७९ रन बनाएपनि बर्षाले प्रभावित

क्रिस गेलले तोड्दै छन् ब्रायन लाराको यस्तो रेकर्ड

काठमाडौँ । युनिभर्स बोस क्रिस गेल आज आफ्नो क्यारियरको तीन सयौ एकदिवसीय खेल खेल्दै छन् ।  गेल आफ्नो क्यारियरको अन्तिम सिरिज खेलिरहेका बेला उनले यो खेल पछि कैयौ रेकर्ड बनाउने तयारी


z