काठमाडौँ । इङलिश प्रिमियर लिग अन्तर्गत लिभरपुलले लगातार दोस्रो जित हासिल गरेको छ । गएराती सम्पन्न खेलमा लिभरपुलले साउथहम्पटनलाई २-१ गोलले पराजित गर्दै लगातार दोस्रो जित हासिल गरेको हो ।
लिभरपुलको जितमा साडियो माने र रोबेर्टो फिर्मिनोले एक एक गोल गरेका थिए । त्यस्तै साउथहम्पटनका लागि डानी इन्ग्सले एक गोल फर्काएका थिए ।
यो जितसँगै लिभरपुलले लगातार ११ प्रिमियर लिगका खेल जितेको छ । लिभरपुलले यस सिजनमा खेलेका दुवै खेल जितेर सिजनको उत्कृष्ट सुरुवात गरेको छ ।
अब लिभरपुलले आउदो शनिबार आर्सनलसँग खेल्ने छ भने साउथहम्पटनले भने ब्राइटनविरुद्ध खेल्ने छ ।