काठमाडौँ । इङलिश प्रिमियर लिग अन्तर्गत म्यानचेस्टर सिटी बराबरीमा रोकिएको छ । गएराती सम्पन्न खेलमा सिटी टोटनह्यामसँग बराबरीमा रोकिएको हो ।
सिटी र टोटनह्याम दुवैले २-२ गोल गरेपछि दुवैले अंक बाडेका हुन् । सिटीका लागि रहिम स्टरलिङ र सर्जियो अग्युरोले एक एक गोल गरेका थिए भने टोटनह्यामका लागि एरिक लामेला र लुकास मउराले एक एक गोल गरेका थिए ।
यस खेलमा भिडियो असिस्टेन्ट रेफ्री (भार) का कारण फेरी विवादित बनेको छ । सिटीका गाब्रियल जिससले गरेको गोल रेफ्रीले भारको मद्धतले गोल दिन अस्विकार गरेका थिए ।
यस अघि लगातार १६ प्रिमियर लिग जितेको सिटी २०१९ को जनवरीदेखि पहिलो पटक जितविहिन बनेको छ ।
पहिलो खेल जितेका दुवै टिमले दोस्रो खेलमा अंक बाड्न बाध्य भएका छन् ।
अब सिटीले अर्को खेल बोर्नमाउथसँग खेल्ने छ भने टोटनह्यामले न्युक्यासलसँग खेल्ने छ ।